ஆபாச வீடியோ பார்க்கவும் டவுன் லோடு செய்யவும் பயன்படுத்தப்படும் ரெயில்வே இலவச வைஃபை வசதிகள்

புதுடெல்லி

ரெயில் பயணிகளை டிஜிட்டல் முறையுடன் இணைப்பதற்காக வைஃபை வசதிகளை தொலைதூர ரயில் நிலையங்களுக்கும் கொண்டு சேர்க்கும் பணியில் இந்திய ரெயில்வே துறை தொடர்ந்து செயல்பட்டு வருகிறது. இதன்படி கடந்த 2016ஆம் ஆண்டில் மும்பையில் முதன்முதலாக வைஃபை சேவை தொடங்கப்பட்டது.

அதைத் தொடர்ந்து பல்வேறு ரெயில் நிலையங்களில் வைஃபை அமைக்கப்பட்டு வருகிறது. இந்தியாவில் இதுவரையில் சுமார் 6,100 ரெயில் நிலையங்களில் வைஃபை வசதி ஏற்படுத்தப்பட்டுள்ளது.

இந்திய அரசின் டிஜிட்டல் இந்தியா திட்டத்தின் ஒரு கட்டமாகல் ரயில் நிலையங்களில் வைஃபை வசதி அமைக்கப்பட்டு வருகிறது.

ஆனால் இந்த சேவை பெரும்பாலும் ஆபாச வீடியோ பார்க்கவும் ஆபாச வீடியோ டவுன் லோடு செய்யவும் பயன்படுத்தப்படுகிறது என தகவல்கள் வெளியாகி உள்ளது.

தெற்கு மத்திய ரெயில்வேயின் கீழ் வரும் செகந்திராபாத்தில் தான் அதிகபட்சமாக ஆபாச வீடியோக்கள் டவுன்லோடு செய்யப்பட்டு உள்லன. அதைத் தொடர்ந்து ஐதராபாத், விஜயவாடா மற்றும் திருப்பதி ஆகியவை உள்ளன.

செகந்திராபாத் மற்றும் விஜயவாடாவில் 35% ஆபாசப் படங்கள் டவுன்லோடு செய்யப்பட்டு உள்ளன என பிராட்பேண்ட் இணைய சேவையான ரெயில்வேர் ஐ இயக்கும் ரெயில்டெல்லின் வட்டாரங்கள் தெரிவித்தன.

இந்தியாவில் உள்ள 1,600-க்கும் மேற்பட்ட நிலையங்களில், தரவு நுகர்வில் இது செகந்திராபாத் 4 வது இடத்தில் உள்ளது.

ரெயில்டெல் ரெயில் நிலையங்களில் முதல் 30 நிமிடங்களுக்கு இலவச வைஃபை சேவை வழங்குகிறது. ஆரம்ப அரை மணி நேரத்திற்கு அப்பால், இணைய சேவையை அணுக மக்கள் பணம் செலுத்த வேண்டும்.

தென் மத்திய ரெயில்வே 588 நிலையங்களுக்கு இணையச் சேவைகளை நீட்டிக்க விரும்பினாலும், ரெயில் நிலையங்களில் இணைய அலைவரிசையின் வேகம் குறைவாக இருப்பதால் இலவச வைஃபையை தவறாகப் பயன்படுத்துவதாகக் குற்றம் சாட்டப்பட்டுள்ளது.

ரெயில் டெல் மூத்த அதிகாரி ஒருவர் கூறும் போது "கணிசமான எண்ணிக்கையிலான வைஃபை ஆபாச வீடியோ டவுன் லோடு செய்யவே பயன்படுத்தப்படுகின்றன. நூற்றுக்கணக்கான ஆபாச இணையதளங்களை அணுக முடியாத நிலையில், விபிஎன் மற்றும் இன்னும் தடுப்புப்பட்டியலில் சேர்க்கப்படாத சில இணையதளங்களுக்கான அணுகல் அத்தகைய உள்ளடக்கத்தைப் பதிவிறக்க அனுமதிக்கிறது" என்று கூறினார்.