டெல்லியில் மேலும் 813- பேருக்கு கொரோனா

புதுடெல்லி,

நாடு முழுவதும் கொரோனா பரவல் மீண்டும் அதிகரிக்கத்தொடங்கியுள்ளது. அந்த வகையில் தலைநகர் டெல்லியிலும் தொற்று பரவல் உயரத்தொடங்கியுள்ளது. டெல்லியில் கடந்த 24 மணி நேர கொரோனா பாதிப்பு விவரத்தை சுகாதாரத்துறை வெளியிட்டுள்ளது. அதன் விவரம் வருமாறு:

டெல்லியில் கடந்த 24 மணி நேரத்தில் 813- பேருக்கு கொரோனா வைரஸ் தொற்று உறுதி செய்யப்பட்டுள்ளது. தொற்று பாதிப்பைக் கண்டறிய 15,339- மாதிரிகள் பரிசோதிக்கப்பட்டன.தொற்று பரவல் விகிதம் 5.30 சதவிகிதமாக உள்ளது. கொரோனாவில் இருந்து 1,021- பேர் குணம் அடைந்துள்ளனர். கொரோனா பாதிப்புக்கு 3 பேர் பலியாகியுள்ளனர். கொரோனா பாதிப்புடன் சிகிச்சையில் உள்ளவர்கள் எண்ணிக்கை 3,703- ஆக உள்ளது.