இந்தியாவில் கொரோனா பாதிப்பு 60 ஆக அதிகரிப்பு

புதுடெல்லி,

இந்தியாவில் தினசரி கொரோனா பாதிப்பு நேற்று முன்தினம் ஒரேயடியாக 21 ஆக சரிந்தது. ஆனால் நேற்று தினசரி பாதிப்பு 60 ஆக உயர்ந்தது. இதுவரை கொரோனாவால் பாதிக்கப்பட்டவர்கள் மொத்த எண்ணிக்கை 4 கோடியே 49 லட்சத்து 95 ஆயிரத்து 392 ஆக அதிகரித்தது.

கொரோனாவில் இருந்து 24 மணி நேரத்தில் 40 பேர் குணமடைந்தனர். இதுவரை மொத்தம் 4 கோடியே 44 லட்சத்து 61 ஆயிரத்து 8 பேர் தொற்றில் இருந்து மீண்டுள்ளனர். கொரோனா சிகிச்சை பெறுவோர் எண்ணிக்கையில் 20 அதிகரித்தது. நேற்று காலை 8 மணி நிலவரப்படி, 1,469 பேர் சிகிச்சை பெற்று வந்தனர். தொடர்ந்து 10-வது நாளாக நேற்றும் கொரோனா உயிர்ப்பலி இல்லை. மொத்த பலி எண்ணிக்கை 5 லட்சத்து 31 ஆயிரத்து 915 ஆக நீடிக்கிறது.