பீகார்: 283 தேடப்படும் குற்றவாளிகள், 57 நக்சல்கள் கைது

பாட்னா,

பீகாரில் பாட்னா நகர ஏ.டி.ஜி.யான காவல் துறை உயரதிகாரி கங்வார் செய்தியாளர்கள் சந்திப்பில் பேசும்போது, பீகாரில் 2022-ம் ஆண்டு முழுவதும், சிறப்பு அதிரடி படை போலீசார் தீவிர தேடுதல் வேட்டை நடத்தினர்.

இதில், தேடப்படும் குற்றவாளிகள் என அறிவிக்கப்பட்ட 283 பேர் மற்றும் தேடப்படுவோர் பட்டியலில் உள்ள 6 நக்சலைட்டுகள் உள்பட மொத்தம் 57 நக்சலைட்டுகளை போலீசார் கைது செய்து உள்ளனர்.

அவர்களிடம் இருந்து 14 ஆயுதங்கள், 3 ஏ.கே.-47 ரக துப்பாக்கிகள் மற்றும் ஏ.கே.-56 ரக துப்பாக்கி ஒன்று என பல்வேறு ஆயுதங்கள் மற்றும் வெடிபொருட்களும் பறிமுதல் செய்யப்பட்டு உள்ளன.

இவற்றில் போலீசாரிடம் இருந்து பறித்து செல்லப்பட்ட 5 ஆயுதங்களும் அடங்கும் என அவர் கூறியுள்ளார்.

பீகார் தவிர, உத்தர பிரதேசம், டெல்லி, ஜார்க்கண்ட், சத்தீஷ்கார், அரியானா, மராட்டியம் மற்றும் மேற்கு வங்காளம் உள்ளிட்ட பிற மாநிலங்களில் இருந்தும் 33 நக்சலைட்டுகள் கைது செய்யப்பட்டு உள்ளனர் என அவர் கூறியுள்ளார்.