<
பாளையங்கோட்டையில் சுற்றுலா கார் கவிழ்ந்து கர்நாடக வாலிபர் பலி
பாளையங்கோட்டையில் சுற்றுலா கார் கவிழ்ந்த விபத்தில் கர்நாடக வாலிபர் பரிதாபமாக இறந்தார்.
நெல்லை,
கர்நாடக மாநிலம் பெங்களூருவை சேர்ந்த 2 பெண்கள் உள்பட 4 பேர் ஒரு காரில் தமிழகத்தில் உள்ள முக்கிய சுற்றுலா தலங்களை சுற்றிப்பார்க்க புறப்பட்டனர். இவர்களது கார் நேற்று காலை பாளையங்கோட்டை தியாகராஜநகர் 4 வழிச்சாலையில் கன்னியாகுமரி நோக்கி சென்று கொண்டிருந்தது. அப்போது திடீரென்று கார் கட்டுப்பாட்டை இழந்து ஓடி கவிழ்ந்தது.
இதில் காரின் இடிபாடுகளில் சிக்கி 4 பேரும் படுகாயம் அடைந்தனர். உடனே அவர்களை அக்கம்பக்கத்தினர் மீட்டு, பாளையங்கோட்டை ஐகிரவுண்டு அரசு ஆஸ்பத்திரியில் சேர்த்தனர்.
அங்கு சிகிச்சை பலனின்றி பெங்களூரு வில்சன் கார்டன் பகுதியை சேர்ந்த சுப்பிரமணி மகன் கோவிந்தராஜ் (வயது 29) என்பவர் பரிதாபமாக இறந்தார். மற்ற 3 பேருக்கும் தீவிர சிகிச்சை அளிக்கப்பட்டு வருகிறது. இதுகுறித்து நெல்லை மாநகர போக்குவரத்து புலனாய்வு பிரிவு போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
