'மோடி ஆட்சி 2 ஆண்டுகள் நீடிக்குமா என்பது சந்தேகம்' - சஞ்சய் ராவத்
மோடி தலைமையிலான மத்திய அரசு 2026 வரை நீடிக்குமா என்பது சந்தேகம் என சஞ்சய் ராவத் தெரிவித்துள்ளார்.;
மும்பை,
கடந்த ஆண்டு நடைபெற்ற நாடாளுமன்ற மக்களவை தேர்தலில் பா.ஜ.க. தலைமையிலான தேசிய ஜனநாயக கூட்டணி 293 இடங்களில் வெற்றி பெற்று தொடர்ந்து 3-வது முறையாக ஆட்சியை தக்கவைத்தது. இருப்பினும் கடந்த காலங்களில் இருந்ததை போல் பா.ஜ.க.விற்கு தனி பெரும்பான்மை கிடைக்கவில்லை.
இந்த நிலையில், மோடி ஆட்சி 2 ஆண்டுகள் நீடிக்குமா என்பது சந்தேகம் என சிவசேனா(உத்தவ் தாக்கரே அணி) மூத்த தலைவர் சஞ்சய் ராவத் கருத்து தெரிவித்துள்ளார். இது குறித்து செய்தியாளர்களிடம் பேசிய அவர், "மத்தியில் ஆட்சியில் இருக்கும் மோடி தலைமையிலான பா.ஜ.க. அரசு 2026-ம் ஆண்டு வரை நீடிக்குமா என்பது சந்தேகம்" என்றார்.
மேலும் மோடி தனது பதவிக்காலத்தை நிறைவு செய்யமாட்டார் என்று குறிப்பிட்ட சஞ்சய் ராவத், ஆட்சியில் மாற்றம் ஏற்பட்டால் அது மராட்டிய மாநிலம் மட்டுமின்றி, அனைத்து மாநிலங்களிலும் தாக்கத்தை ஏற்படுத்தும் என்று கூறினார்.