ரோகித் சர்மா, சுப்மன் கில்லுக்கு இந்த வீரர் சவாலாக இருப்பார் - பாக். முன்னாள் பேட்ஸ்மென் கணிப்பு

லண்டன்,

இந்தியா - ஆஸ்திரேலியா அணிகள் மோதும் உலக டெஸ்ட் கிரிக்கெட் சாம்பியன்ஷிப் இறுதிப்போட்டி, இங்கிலாந்தில் உள்ள லண்டன் ஓவல் மைதானத்தில் இன்று தொடங்குகிறது.

இந்திய நேரப்படி மாலை 3 மணிக்கு தொடங்கும் இந்த போட்டி தொடங்க உள்ளது. உலக டெஸ்ட் சாம்பியன்ஷிப் இறுதிப்போட்டியில் வென்று கோப்பையை எந்த அணி வெல்லும் என முன்னாள் வீரர்கள் பலர் கருத்து தெரிவித்து வருகின்றனர்.

அந்த வகையில் பாகிஸ்தான் தொடக்க வீரர் சல்மான் பட்டும் தனது கருத்தை தெரிவித்துள்ளார். இது தொடர்பாக அவர் கூறுகையில், மிச்செல் ஸ்டார்க் சரியாக பந்துவீசினால் அவர் ரோகித் சர்மா, சுப்மன் கில்லுக்கு சவாலாக இருப்பார். ஸ்டார்க் மிகவும் சிறப்பாக அதிவேகத்தில் இன்சுவிங் பந்துவீசுவார். இடதுகை பந்துவீச்சாளர்களுக்கு எதிராக ரோகித் சர்மா தடுமாறுவார் என்பது நாம் அனைவரும் பார்த்துள்ளோம். எப்படி இருந்தாலும் சுப்மன் கில், ரோகித் சர்மா விளையாட தொடங்கிவிட்டால் அவர்கள் ஆஸ்திரேலிய பந்துவீச்சாளர்களுக்கு மிகுந்த அழுத்தம் கொடுப்பார்கள்' என்றார்.