அடுத்த ஆண்டும் சென்னை அணியின் கேப்டனாக டோனி நீடிப்பார்- தலைமை செயல் அதிகாரி

இந்த ஆண்டில் நடந்த ஐ.பி.எல். போட்டியின் போது சென்னை சூப்பர் கிங்ஸ் அணியின் கேப்டன் பதவியை ஆல்-ரவுண்டர் ரவீந்திர ஜடேஜாவிடம் டோனி வழங்கினார். ஆனால் ஜடேஜாவின் கேப்டன்ஷிப்பில் அணியின் செயல்பாடு மெச்சும்படி இல்லாததால் மறுபடியும் டோனியிடம் கேப்டன் பதவி வந்தது இந்த நிலையில் அடுத்த ஆண்டு (2023) நடக்கும் 16-வது ஐ.பி.எல். போட்டியின் போதும் சென்னை சூப்பர் கிங்சின் கேப்டனாக 41 வயதான டோனியே நீடிப்பார் என்று அந்த அணியின் தலைமை செயல் அதிகாரி காசிவிஸ்வநாதன் கூறியுள்ளார்.