லைவ் அப்டேட் டெஸ்ட் - 3வது நாள் முடிவில் ஆஸ்திரேலியா 296 ரன்கள் முன்னிலை...!

3வது நாள் முடிவில் ஆஸ்திரேலியா 296 ரன்கள் முன்னிலை...!

அதிரடி ஆட்டக்காரர் டிராவிஸ் ஹெட்டை 18 ரன்னில் அவுட்டாக்கினார் ரவீந்திர ஜடேஜா.

நிலைத்து நின்று ஆடிகொண்டிருந்த ஸ்மித்தின் ( 34 ரன்) விக்கெட்டை ரவீந்திர ஜடேஜா வீழ்த்தினார்.

3வது விக்கெட்டுக்கு ஜோடி சேர்ந்த ஸ்மித்-லபுஸ்சாக்னே இணை 62 ரன்கள் பார்ட்னர்ஷிப் அமைத்துள்ளது. மேலும் இதுவரை ஆஸ்திரேலியா 259 ரன்கள் முன்னிலை பெற்றுள்ளது.

ஆஸ்திரேலிய வீரர்கள் ஸ்டீவ் ஸ்மித் மற்றும் மார்னஸ் லபுஸ்சாக்னே ஆகியோர் பொறுமையாக ஆடி வருகின்றனர்.

ஆஸ்திரேலியா தனது 2வது இன்னிங்சில் 20 ஓவர்கள் முடிவில் 2 விக்கெட் இழப்புக்கு 51 ரன்கள் எடுத்துள்ளது. இதுவரை மொத்தமாக 224 ரன்கள் முன்னிலை பெற்றுள்ளது. 

உலக டெஸ்ட் சாம்பியன்ஷிப் போட்டியில் ஆஸ்திரேலிய அணி முதல் இன்னிங்சில் 469- ரன்களுக்கு அவுட் ஆனது. இந்திய அணி தனது முதல் இன்னிங்சில் 296- ரன்களுக்கு அனைத்து விக்கெட்டுகளையும் பறிகொடுத்தது. பின்னர் 173 ரன்கள் முன்னிலையுடன் 2-வது இன்னிங்சை தொடங்கிய ஆஸ்திரேலிய அணி 15 ஒவர்கள் நிலவரப்படி 2 விக்கெட் இழப்புக்கு 31 ரன்கள் எடுத்துள்ளது. 204 ரன்கள் முன்னிலை பெற்றுள்ளது. ஆஸ்திரேலிய அணிக்கு இன்னும் 8 விக்கெட்டுகள் கைவசம் இருப்பதால் அந்த அணி தற்போதைய நிலையை வைத்து பார்த்தால் ஆஸ்திரேலிய அணி இந்தியாவுக்கு சவாலான ஸ்கோரை நிர்ணையிக்கும் எனத் தெரிகிறது. தற்போதைய நிலவரப்படி ஆஸ்திரேலியாவின் கையே இந்த டெஸ்ட்டில் ஓங்கியுள்ளது.

39 பந்தில் 13 ரன் எடுத்த நிலையில் உமேஷ் யாதவ் பந்துவீச்சில் ஆட்டம் இழந்தார்.