'ஜெய் ஸ்ரீ ஹனுமான்' - வெற்றிக்கு பின் இன்ஸ்டாவில் பதிவிட்ட தென் ஆப்பிரிக்கா வீரர் கேசவ் மகாராஜ்

சென்னை,

உலகக்கோப்பை கிரிக்கெட் தொடரில் நேற்று நடைபெற்ற ஆட்டத்தில் தென் ஆப்பிரிக்கா - பாகிஸ்தான் அணிகள் மோதின. இந்த ஆட்டத்தில் முதலில் பேட்டிங் ஆடிய பாகிஸ்தான் 46.4 ஓவர்களில் அனைத்து விக்கெட்டையும் இழந்து 270 ரன்னுக்கு ஆல் அவுட் ஆனது. தென் ஆப்பிரிக்கா அணியில் ஷம்சி 4 விக்கெட்டும், மார்கோ ஜேன்சன் 3 விக்கெட்டும் வீழ்த்தினர்.

இதையடுத்து ஆடிய தென் ஆப்பிரிக்கா 47.2 ஓவர்களில் 9 விக்கெட்டுகளை இழந்து 271 ரன் எடுத்து 1 விக்கெட் வித்தியாசத்தில்  வெற்றி பெற்றது. தென் ஆப்பிரிக்கா அணி கேப்டன் மார்க்ரம் 91 ரன்கள் எடுத்தார்.

இந்நிலையில், பாகிஸ்தான் அணிக்கு எதிரான ஆட்டத்தில் வெற்றி பெற்ற பின், தென் ஆப்பிரிக்கா பந்துவீச்சாளர் கேசவ் மகாராஜ் தனது இன்ஸ்டாகிராம் வலைதளத்தில் `ஜெய் ஸ்ரீ ஹனுமான்' என பதிவிட்டார். இந்த இன்ஸ்டா பதிவு தற்போது வைரலாகி வருகிறது.