ஐபிஎல்: முதல் போட்டியில் சென்னையை வீழ்த்தி குஜராத் அபார வெற்றி...!

காந்தி நகர்,

16வது ஐபிஎல் சீசன் அகமதாபாத்தில் இன்று கோலாகமாக தொடங்கியது. முதல் ஆட்டத்தில் சென்னை சூப்பர் கிங்ஸ் - குஜராத் டைட்டன்ஸ் மோதின. இப்போட்டியில் டாஸ் வென்ற குஜராத் கேப்டன் ஹர்திக் பாண்டியா முதலில் பந்து வீச்சை தேர்வு செய்தார்.

இதையடுத்து, முதலில் பேட்டிங் செய்த சென்னை சூப்பர் கிங்ஸ் 20 ஓவர் முடிவில் 7 விக்கெட்டுகளை இழந்து 178 ரன்கள் எடுத்தது. சென்னை அணியின் ருதுராஜ் கெய்குவாட் அதிகபட்சமாக 92 ரன்கள் குவித்தார்.

இதனை தொடர்ந்து 179 ரன்கள் எடுத்தால் வெற்றி என்ற இலக்குடன் குஜராத் டைட்டன்ஸ் களமிறங்கியது. அந்த அணியின் தொடக்க வீரர்கள் விருதிமென் சஹா 25 ரன்கள் எடுத்தார். அதிரடியாக ஆடிய சுப்மன் கில் 63 ரன்கள் குவித்தார்.

இறுதியில் கடைசி ஓவரில் குஜராத் வெற்றிபெற 8 ரன்கள் தேவைப்பட்டது. சென்னை வீரர் தேஷ்பாண்டே பந்து வீசினார். 19.2 ஓவரில் குஜராத் அணி 5 விக்கெட் இழந்து 182 ரன்கள் குவித்தது. இதன் மூலம் சென்னை சூப்பர் கிங்சை 5 விக்கெட் வித்தியாசத்தில் வீழ்த்தி குஜராத் டைட்டன்ஸ் அபார வெற்றிபெற்றது.