சேத்தியாத்தோப்பு அருகேநீரில் மூழ்கி வாலிபர் பலி

சேத்தியாத்தோப்பு, 

சேத்தியாத்தோப்பு குறுக்கு ரோடு, புவனகிரி சாலையில் உள்ள ஒரு குட்டையில் 35 வயது மதிக்கத்தக்க வாலிபர் ஒருவர் இறந்து கிடந்தார். இதை பார்த்த அந்த வழியாக சென்ற பொதுமக்கள் போலீசாருக்கு தகவல் தெரிவித்தனர். அதன் பேரில் சேத்தியாத்தோப்பு போலீசார் சம்பவ இடத்திற்கு விரைந்து சென்று, குட்டையில் இறந்து கிடந்த வாலிபரின் உடலை மீட்டு, அப்பகுதி மக்களிடம் விசாரணை நடத்தினர்.

விசாரணையில் அந்த வாலிபர் குட்டை நீரில் மூழ்கி இறந்திருக்கலாம் என்பது தெரியவந்தது. ஆனால் இறந்த வாலிபர் குறித்த எந்தவொரு விவரமும் தெரியவில்லை. பின்னர் அவரது உடலை கைப்பற்றி பிரேத பரிசோதனைக்காக சிதம்பரம் அரசு ஆஸ்பத்திரிக்கு அனுப்பி வைத்தனர்.

இதுகுறித்து கிராம நிர்வாக அலுவலர் பழனிவேல், சேத்தியாத்தோப்பு போலீஸ் நிலையத்தில் புகார் அளித்தார். அதன் பேரில் போலீசார் வழக்குப்பதிவு செய்து இறந்த வாலிபர் யார்?, எந்த ஊரைச் சேர்ந்தவர்?, அவர் நீரில் மூழ்கி இறந்தாரா அல்லது அவரது சாவுக்கு வேறு ஏதேனும் காரணம் உண்டா என்பது குறித்து விசாரணை நடத்தி வருகின்றனர்.