சைக்கிள் மீது லாரி மோதி தொழிலாளி பலி

நீடாமங்கலம்:

நீடாமங்கலத்தில் சைக்கிள் மீது லாரி மோதி தொழிலாளி பலியானார். இதுதொடர்பான போலீசார் விசாரணை நடத்தி வருகின்றனர்.

லாரி மோதி தொழிலாளி பலி

நீடாமங்கலம் அருகே உள்ள ஒரத்தூர் அம்பலகாரத்தெருவை சேர்ந்தவர் சண்முகம் (வயது58) கூலித்தொழிலாளி. இவர் நேற்று மாலை ஒரத்தூரில் இருந்து நீடாமங்கலத்தை நோக்கி சைக்கிளில் வந்து கொண்டிருந்தார்.

கோரையாறு பாலத்தில் சென்ற போது பின்னால் வந்த லாரி எதிர்பாராதவிதமாக சைக்கிள் மீது மோதியது. இதில் தூக்கி வீசப்பட்டு படுகாயம் அடைந்த சண்முகம் சம்பவ இடத்திலேயே பரிதாபமாக உயிரிழந்தார்.

போலீசார் விசாரணை

இதுகுறித்து தகவல் அறிந்த நீடாமங்கலம் போலீசார் சம்பவ இடத்திற்கு வந்து சண்முகம் உடலை கைப்பற்றி பிரேத பரிசோதனைக்காக மன்னார்குடி அரசு ஆஸ்பத்திரிக்கு அனுப்பி வைத்தனர்.

மேலும் இதுதொடர்பாக நீடாமங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.

----