சென்னையில் நடைபெறும் போராட்டத்தில் பங்கேற்க தொழிற்சங்கத்தினர் முடிவு

அரியலூர் மாவட்ட ஏ.ஐ.டி.யு.சி. சார்பில் மாவட்ட குழு கூட்டம், சங்க அலுவலகத்தில் நடைபெற்றது. கூட்டத்திற்கு மாவட்ட துணைத்தலைவர் சிலம்புசெல்வி தலைமை தாங்கினார். மாவட்ட பொதுச்செயலாளர் தண்டபாணி அறிக்கை வாசித்தார். கூட்டத்தில், வருகிற 31-ந்தேதி சங்க அலுவலகத்தில் கொடியேற்றுவது. மத்திய அரசின் தொழிலாளர், விவசாயிகள், மக்கள் விரோத போக்குகளை கண்டித்து தொழிற்சங்கங்கள், ஐக்கிய விவசாயிகள் முன்னணி சார்பில் சென்னையில் நவம்பர் 26, 27, 28-ந் தேதிகளில் நடைபெறும் போராட்டத்தில் கலந்து கொள்வது. கிராம ஊராட்சி தூய்மை பணியாளர்கள், மேல்நிலை நீர்த்தேக்க தொட்டி ஆபரேட்டர்கள் மற்றும் துப்புரவு பணியாளர்களின் பேரவைக்கூட்டம் நடத்துவது என்பன உள்ளிட்ட தீர்மானங்கள் நிறைவேற்றப்பட்டன. இதில் சங்கத்தை சேர்ந்த ஏராளமானோர் கலந்து கொண்டனர்.