லாரி வயலில் கவிழ்ந்தது

கடையம்:

தென்காசி மாவட்டம் கடையம் ஒன்றியம் பாப்பான்குளம் அருகே உள்ளது சிவஞானபுரம். இந்த பகுதியில் உள்ள ஒரு குவாரியில் இருந்து கல் பாரம் ஏற்றிக்கொண்டு ஒரு லாரி செங்குளம் நோக்கி வந்து கொண்டிருந்தது. செங்குளம் குளக்கரையில் நேற்று பகலில் அந்த லாரி வந்தபோது டிரைவரின் கட்டுப்பாட்டை இழந்து ரோட்டின் ஓரத்தில் உள்ள வயலில் லாரி கவிழ்ந்தது. இந்த விபத்தில் டிரைவர் அதிர்ஷ்டவசமாக உயிர் தப்பினார். இதுகுறித்து ஆழ்வார்குறிச்சி போலீசார் விசாரணை நடத்தி வருகிறார்கள்.