ரஜினி ரசிகர்கள் ஒட்டிய சுவரொட்டியால் பரபரப்பு

திண்டுக்கல் நகரின் முக்கிய இடங்களில் ரஜினி ரசிகர்கள் சுவரொட்டி ஒட்டி உள்ளனர். அதில் "உயர உயர பறந்தாலும், ஊர் குருவி பருந்தாகாது, அன்றும் இன்றும் என்றுமே ஒரே ஒரு சூப்பர் ஸ்டார் தான், தலைவர் ரஜினிகாந்த் மட்டும் தான், அண்ணாத்த குரூப்ஸ்-திண்டுக்கல் மாவட்டம் என்று குறிப்பிடப்பட்டு இருக்கிறது.

தமிழ் சினிமா உலகின் சூப்பர் ஸ்டாராக ரஜினிகாந்த் திகழ்கிறார். இந்த நிலையில் சினிமா உலகின் அடுத்த சூப்பர் ஸ்டார் யார்? என்று கடந்த சில நாட்களாக தீவிர விவாதம் நடக்கிறது. இந்த நிலையில் அன்றும், இன்றும், என்றுமே ரஜினிகாந்த் மட்டுமே சூப்பர் ஸ்டார் என்று ரசிகர்கள் ஒட்டி இருக்கும் சுவரொட்டி பரபரப்பை ஏற்படுத்தி இருக்கிறது.