சங்கடஹர சதுர்த்தியையொட்டிசங்கராபுரம் பகுதி விநாயகர் கோவில்களில் சிறப்பு வழிபாடு

சங்கராபுரம், 

சங்கராபுரம் கடைவீதி சக்தி விநாயகர் கோவிலில் சங்கடஹர சதுர்த்தியையொட்டி சிறப்பு வழிபாடு நடைபெற்றது. இதையொட்டி சக்தி விநாயகருக்கு பால், தயிர், பன்னீர் உள்ளிட்ட 16 வகையான பொருட்களைக் கொண்டு அபிஷேகம் செய்து, மகா தீபாராதனை காண்பிக்கப்பட்டது. இதில் திரளான பக்தர்கள் கலந்து கொண்டு சாமி தரிசனம் செய்தனர். இதே போல் சங்கராபுரம் திரவுபதிஅம்மன் கோவிலில் உள்ள வன்னி விநாயகர், செல்வவிநாயகர், வாசவி கோவில் வளாகத்தில் உள்ள மஹோற்கடகணபதி, பொய்க்குணம் சாலையிலுள்ள நவசக்தி விநாயகர் உள்பட சங்கராபுரம் பகுதியில் உள்ள விநாயகர் கோவிலிலும் சங்கடஹர சதுர்த்தியையொட்டி சிறப்பு வழிபாடு நடந்தது.