தனியார் வேலை வாய்ப்பு முகாம்

அரியலூர் மாவட்டத்தில் படித்த வேலை வாய்ப்பின்றி காத்திருக்கும் இளைஞர்களுக்கு வேலை வாய்ப்பினை ஏற்படுத்தி தரும் பொருட்டு நாளை மறுநாள் (வெள்ளிக்கிழமை) தனியார் துறை வேலை வாய்ப்பு முகாம், அரியலூர் மாவட்ட வேலை வாய்ப்பு மற்றும் தொழில்நெறி வழிகாட்டல் மையத்தில் நடைபெறவுள்ளது. சிறிய அளவில் நடைபெறும் இந்த முகாமில் முன்னணி தனியார் நிறுவனங்கள் மற்றும் திறன் பயிற்சி அளிக்கும் நிறுவனங்கள் 700-க்கும் மேற்பட்ட காலிப்பணியிடங்களுக்கு தங்களுக்கு தேவையான ஆட்களை தகுதியின் அடிப்படையில் தேர்வு செய்ய உள்ளனர். முகாமில் 18 வயது முதல் 35 வயது வரையிலான ஐ.டி.ஐ., டிப்ளமோ மற்றும் பட்டப்படிப்பு படித்த இளைஞர்கள் கலந்து கொள்ளலாம். முகாமில் தேர்வு செய்யப்பட்டவர்களின் வேலை வாய்ப்பு பதிவு ரத்து செய்யப்படாது. மேலும் விவரங்களுக்கு 04329228641 என்ற தொலைபேசி எண்ணையும், 9499055914 என்ற செல்போன் எண்ணையும் தொடர்பு கொள்ளலாம். ஒவ்வொரு மாதமும் 2, 3, 4-ம் வெள்ளிக்கிழமையில் சிறிய அளவிலான தனியார் துறை வேலை வாய்ப்பு முகாம் நடைபெறும். மேலும் வேலையளிக்கும் நிறுவனங்களும், வேலை நாடுனர்களும் பயன்பெறும் பொருட்டு வேலை வாய்ப்பு மற்றும் பயிற்சித்துறையால் பிரத்யேகமாக உருவாக்கப்பட்ட https://www.tnprivatejobs.tn.gov.in/ என்ற இணையதளத்தில் பதிவு செய்து கொள்ளலாம், என்று கலெக்டர் ரமணசரஸ்வதி தெரிவித்துள்ளார்.