தக்கலை:
தக்கலை பஸ் நிலையத்தில் நேற்று காலையில் ஒருவர் லாட்டரி சீட்டுகளை விற்பனை செய்து கொண்டிருப்பதாக தக்கலை போலீசாருக்கு ரகசிய தகவல் கிடைத்தது. உடனே சம்பவ இடத்துக்கு விரைந்து சென்ற போலீசார் ரகசியமாக கண்காணித்தனர். அப்போது, லாட்டரி சீட்டுகளை விற்பனை செய்து கொண்டிருந்ததை ஒருவரை போலீசார் மடக்கிப்பிடித்து சோதனை செய்தனர். சோதனையில், அவரிடம் லாட்டரி சீட்டுகள் மற்றும் லாட்டரி சீட்டுகள் விற்பனை செய்த ரூ. 5 ஆயிரத்து500 ஆகியவை இருந்தது தெரியவந்தது. விசாரணையில் தக்கலை அருகே மணலி பகுதியை சேர்ந்த அபுபக்கர் (வயது 41) என்பது தெரிய வந்தது. இதையடுத்து அவரிடம் இருந்து லாட்டரி சீட்டுகள், ரூ.5500 ஆகியவற்றை போலீசார் பறிமுதல் செய்து அபுபக்கரை கைது செய்தனர்.