இந்து முன்னணி செயற்குழு கூட்டம்

இந்து முன்னணியின் திண்டுக்கல் மாவட்ட செயற்குழு கூட்டம், வேடசந்தூரில் உள்ள தனியார் மண்டபத்தில் நடந்தது.கூட்டத்துக்கு மாவட்ட செயலாளர் பிரதீப்குமார் தலைமை தாங்கினார். கோட்ட செயலாளர் சங்கர்கணேஷ், மாவட்ட தலைவர் ராஜா, மாவட்ட ஒருங்கிணைப்பாளர் சதீஷ் என்ற ராஜசங்கர் ஆகியோர் முன்னிலை வகித்தனர்.

கூட்டத்தில் இந்து இளைஞர் முன்னணியின் மாநில ஒருங்கிணைப்பாளர் சண்முகம் சிறப்பு விருந்தினராக கலந்து கொண்டு பேசினார். திண்டுக்கல் மாவட்டத்தில் 100 இடங்களில் நாளை மறுநாள் (ஞாயிற்றுக்கிழமை) தெருமுனை பிரசார கூட்டம் நடத்துவது என்று கூட்டத்தில் முடிவு செய்யப்பட்டது. முன்னதாக மாவட்ட துணை தலைவர் வினோத்குமார் வரவேற்றார். கூட்டத்தில் மாவட்ட, ஒன்றிய, நகர பொறுப்பாளர்கள் கலந்து கொண்டனர். முடிவில் ஒன்றிய தலைவர் விஜயகுமார் நன்றி கூறினார்.