ஆம்புலன்சில் 'குவா குவா'

வேலுர் மாவட்டம், கே.வி.குப்பத்தை சேர்ந்தவர் ரஞ்சித்குமார். இவரது மனைவி சினேகா. நிறைமாத கர்ப்பிணியான இவர் கே.வி.குப்பம் அரசு ஆரம்ப சுகாதார நிலையத்தில் பிரசவத்திற்காக அனுதிக்கப்பட்டார். பின்னர் அங்கிருந்து குடியாத்தம் அரசு மருத்துவமனைக்கு 108 ஆம்புலன்ஸ் மூலம் அழைத்துச் சென்றனர். அப்போது அவருக்கு பிரசவ வலி அதிகமானதால் மருத்துவ உதவியாளர் சீதா, டிரைவர் சுதாகர் ஆகியோர் காந்தி நகர் அருகே ஆம்புலன்சை ஓரமாக நிறுத்தி அவருக்கு மருத்துவ உதவியாளர் சீதா பிரசவம் பார்த்தார். அதில் சினேகாவுக்கு அழகான பெண் குழந்தை பிறந்தது. பின்னர் தாயும், சேயும் குடியாத்தம் அரசு மருத்துவமனையில் அனுமதிக்கப்பட்டு நலமாக உள்ளனர். இத்தகவலை வடுகந்தாங்கல் வட்டார மருத்துவ அலுவலர் சங்கர்கணேஷ் தெரிவித்தார்.