மேளதாளம் முழங்க கல்வி பொருட்களை எடுத்து வந்த பெற்றோர்கள்

சீர்காழி கீழதென்பாதியில் நகராட்சி தொடக்கப்பள்ளி உள்ளது. இப்பள்ளியில் 50-க்கும் மேற்பட்ட மாணவ-மாணவிகள் கல்வி பயின்று வருகின்றனர். இப்பள்ளிக்கு தேவையான நாற்காலிகள், பிளாஸ்டிக் குடம், சுவர் கடிகாரம் உள்ளிட்ட பல்வேறு பொருட்களை பள்ளி மேலாண்மை குழு சார்பில் மாணவ-மாணவிகளின் பெற்றோர்கள் சீர் வரிசையாக ஊர்வலமாக எடுத்து வந்து பள்ளித் தலைமை ஆசிரியரிடம் வழங்கினர். தொடர்ந்து பள்ளியில் படிக்கும் மாணவ, மாணவிகளுக்கு முதல் முறையாக அபாகஸ் வகுப்புக்கு தேவையான உபகரணங்களை வழங்கியதோடு அதற்கான கட்டணத்தையும் அப்பகுதி நகர் மன்ற உறுப்பினர் ரம்யா தன்ராஜ் அபாகஸ் வகுப்பு ஆசிரியையிடம் வழங்கினார்.