"மகளிர் உரிமைத்தொகை" மாதம் ரூ.1000 வரும் செப்டம்பர் 15 முதல் வழங்கப்படும்-தமிழ்நாடு பட்ஜெட் முழு விவரம்

சர்வதேச தரத்தில் சென்னையில் விளையாட்டு மையம்

சர்வதேச தரத்திலான உலகளாவிய விளையாட்டு மையம் சிஎம்டிஏ மூலம் சென்னையில் அமைக்கப்படும்

காலை உணவு திட்டம் விரிவாக்கம்

முதலமைச்சரின் காலை உணவு திட்ட விரிவாக்கத்திற்கு ரூ.500 கோடி ஒதுக்கீடு

முதல்-அமைச்சரின் காலை உணவு திட்டம் 500 கோடி ரூபாயில் தொடக்கப்பள்ளிகளுக்கும் விரிவுப்படுத்தப்படும்

ஐஏஎஸ், ஐபிஎஸ் தேர்வு

ஐஏஎஸ், ஐபிஎஸ் தேர்வுகளுக்கு தேர்ந்தெடுக்கப்படும் 1000 மாணவர்களுக்கு முதல்நிலை தேர்வுக்கு தயாராக 7 ஆயிரத்து 500 ரூபாய் வழங்கப்படும்

தஞ்சையில் சோழர் அருங்காட்சியம்

சோழர்களின் பெருமையை பறைசாற்றும் வகையில் தஞ்சையில் சோழர் அருங்காட்சியகம் அமைக்கப்படும்

மதுரையில் கட்டப்பட்டுள்ள கலைஞர் நினைவு நூலகம் வரும் ஜூன் மாதம் திறக்கப்படும் -நிதியமைச்சர் பிடிஆர் பழனிவேல் தியாகராஜன்

ஸ்டான்லி மருத்துவமனையில் புதிய கட்டிடம்

வட சென்னை மக்களின் மருத்துவ தேவையை பூர்த்தி செய்யும் வகையில் ஸ்டான்லி மருத்துவமனையில் 147 கோடி ரூபாயில் புதிய கட்டிடம் கட்டப்படும்

ராணுவ வீரர்கள் குடும்பத்திற்கு நிதியுதவி உயர்வு

ராணுவத்தில் உயிர் தியாகம் செய்யும் படை வீரர்கள் குடும்பத்திற்கான நிதியுதவி 20 லட்ச ரூபாயில் இருந்து 40 லட்ச ரூபாயாக உயர்த்தப்படுகிறது

இலங்கை தமிழர்களுக்கு வீடுகள்

இலங்கை தமிழர்களுக்கு 3 ஆயிரத்து 949 வீடுகள் 223 கோடி ரூபாய் செலவில் கட்டப்படும்

நிதி பற்றாக்குறை குறைவு

திறன்மிக்க நிதி மேலாண்மைக்கு சான்றாக மத்திய அரசை காட்டிலும் நிதி பற்றாக்குறையை குறைத்துள்ளோம். வருவாய் பற்றக்குறை 62 ஆயிரம் கோடி ரூபாயில் இருந்து 30 ஆயிரம் கோடி ரூபாயாக குறைக்கப்பட்டுள்ளது

அம்பேத்கரின் நூல்கள் மொழிபெயர்ப்பு:

அம்பேத்கரின் நூல்களை தமிழில் மொழிபெயர்க்க 5 கோடி ரூபாய் மானியம் வழங்கப்படும்