கட்டிட தொழிலாளி தற்கொலை

வாழப்பாடி:-

வாழப்பாடி அருகே திருமனூர் ஆதிதிராவிடர் தெருவை சேர்ந்தவர் ராகுல் (வயது 32). கட்டிட தொழிலாளி. இவருக்கு மேனகா என்ற மனைவியும், குருவேலன் (6), செல்வராகவன் (3) என்ற 2 மகன்களும் உள்ளனர். இந்த நிலையில் கடந்த சில மாதங்களாக ராகுல் தீராத நோயால் அவதிப்பட்டு வந்ததாக கூறப்படுகிறது. இதற்காக பல்வேறு ஆஸ்பத்திரிகளில் சிகிச்சை பெற்றும் குணமடையவில்லை என தெரிகிறது. இதனால் வாழ்க்கையில் விரக்தி அடைந்த அவர் வீட்டில் தூக்குப்போட்டு கொண்டார். அவரை குடும்பத்தினர் மீட்டு சிகிச்சைக்காக சேலம் அரசு ஆஸ்பத்திரிக்கு கொண்டு சென்றனர். ஆனால் செல்லும் வழியிலேயே அவர் இறந்தார். இதுகுறித்து வாழப்பாடி போலீசார் வழக்குப்பதிவு செய்து விசாரணை நடத்தி வருகின்றனர்.