புகார் பெட்டி

சமூக விரோதிகள் அட்டகாசம்

ராமநாதபுரம் நகர் பகுதியில் உள்ள முகவை ஊருணியை சுற்றி நடைபாதை அமைக்கும் பணி நடைபெற்று வருகிறது. இந்த பகுதியில் சமூக விரோதிகள் சிலர் இரவு நேரங்களில் மது அருந்திவிட்டு காலி மது பாட்டில்களை உடைத்துவிட்டு அட்டகாசம் செய்கின்றனர். இதனால் சிலர் காயமடைகின்றனர்.எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

மனோகரன், ராமநாதபுரம்.

விஷப்பூச்சிகள் நடமாட்டம்

ராமநாதபுரம் மாவட்டம் பாம்பன் ஊராட்சி அக்காள்மடம் என்.எச்.ரோடு பஸ் நிறுத்தம் பகுதியில் குப்பைகள் அகற்றப்படாமல் உள்ளது. இதனால் அப்பகுதியில் விஷப்பூச்சிகளின் நடமாட்டம் அதிக அளவில் உள்ளது. இதனால் இரவு நேரங்களில் அப்பகுதியில் பஸ் ஏற வரும் பொதுமக்கள் மிகவும் அச்சப்படுகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுப்பார்களா?

பொதுமக்கள், அக்காள்மடம்.

போக்குவரத்து நெரிசல்

ராமநாதபுரம் மாவட்டம் கீழக்கரை நகர் பகுதியில் காலை மற்றும் மாலை நேரங்களில் கடும் போக்குவரத்து நெரிசல் ஏற்படுகிறது. இதனால் மாணவர்கள் மற்றும் வேலைக்கு செல்வோர் மிகவும் சிரமப்படுகின்றனர். எனவே போக்குவரத்து நெரிசலை தவிர்க்க அதிகாரிகள் நடவடிக்கை எடுக்க வேண்டும்.

அப்துல்கனி, கீழக்கரை.

பஸ் நிலையம் அமைக்கப்படுமா?

ராமநாதபுரம் மாவட்டம் திருப்பாலைக்குடியில் பஸ் நிலையம் இல்லாததால் அப்பகுதியில் வசிக்கும் சுமார் ௨௦ ஆயிரம் மக்கள் மட்டுமின்றி சுற்றுப்புற கிராம மக்களும் கிழக்குகடற்கரை சாலையில் நீண்ட நேரம் காத்திருந்து பயணிக்கின்றனர். எனவே சப்பந்தப்பட்ட அதிகாரிகள் திருப்பாலைக்குடியில் பஸ் நிலையம் அமைக்க நடவடிக்கை எடுக்க வேண்டும்.

அஹமதுகான், திருப்பாலைக்குடி.

நாய்கள் தொல்லை

ராமநாதபுரம் 25-வது வார்டு இளங்கோவடிகள் தெருவில் தெருநாய்கள் ஆங்காங்கே கூட்டம் கூட்டமாக சுற்றி வருகின்றது.இதனால் அந்த பகுதி சாலை வழியாக மக்கள் நடந்து செல்ல அச்சமடைகின்றனர். நாய்களால் விபத்துக்களும் நடந்த வண்ணம் உள்ளது.இது குறித்து நடவடிக்கை எடுக்கப்படுமா?

ரோஹித், , ராமநாதபுரம்.