புகார் பெட்டி

தினத்தந்தி புகார் பெட்டிக்கு 8939078888 என்ற வாட்ஸ்- அப் எண்ணில் வந்துள்ள மக்கள் குறைகள் தொடர்பான பதிவுகள் வருமாறு:-

சேறும், சகதியுமான சாலை

சிவகங்கை மாவட்டம் இளையான்குடி அருகே சிறுபாலை கிராம சாலை மண்ரோடாக காட்சியளிக்கிறது. மழை பெய்தால் சாலையானது சேறும், சகதியுமாக மாறுகிறது. இதனால் இந்த சாலையில் வாகனங்களை இயக்க முடியாமல் வாகனஓட்டிகள் சிரமப்படுகிறார்கள். எனவே அதிகாரிகள் மண்ரோட்டை தார்ச்சாலையாக மாற்ற வேண்டும்.

ஜஸ்டின், இளையான்குடி.

வாகன ஓட்டிகள் சிரமம்

சிவகங்கை மாவட்டம் கல்லல் அருகே அரண்மனை சிறுவயல் கிராமத்தில் உள்ள சாலைகள் சேதமடைந்து குண்டும், குழியுமாக காட்சியளிக்கிறது. இதனால் இந்த சாலையில் வாகனங்களை இயக்க முடியாமல் வாகனஓட்டிகள் சிரமப்படுகிறார்கள். எனவே சம்பந்தப்பட்ட அதிகாரிகள் இப்பகுதி சாலையை சீரமைக்க வேண்டும்.

ஜெயசூரியா, கல்லல்.

சாலை வசதி வேண்டும்

சிவகங்கை மாவட்டம் சிங்கம்புணரி அருகே கிருங்காக்கோட்டை இலுப்பகண்மாய் கரையில் சாலை வசதி இன்றி மண்ரோடாக காட்சியளிக்கிறது. இதனால் இந்த சாலையில் வாகனங்களை இயக்க முடியாமல் வாகனஓட்டிகள் சிரமப்படுகிறார்கள். எனவே சம்பந்தப்பட்ட அதிகாரிகள் இப்பகுதியில் சாலை போட வேண்டும்.

ஜாபர் அலி, சிங்கம்புணரி.

சேதமடைந்த சாலை

சிவகங்கை மாவட்டம் காரைக்குடி ராமநாதன் செட்டியார் நகராட்சி தொடக்க பள்ளிக்கு செல்லும் சாலை சேதமடைந்து குண்டும், குழியுமாக காட்சியளிக்கிறது. மேலும் பள்ளிக்கு எதிரே செடி, கொடிகளுடன் புதர் மண்டி காணப்படுகின்றன. எனவே சம்பந்தப்பட்ட அதிகாரிகள் இதனை கவனித்து நடவடிக்கை எடுக்க வேண்டும்.

லட்சுமி, காரைக்குடி.

நடவடிக்கை தேவை

சிவகங்கை மாவட்டம் காரைக்குடி அருகே கிருங்காகோட்டை 8-வது வார்டு ஊர்சாவடி அருகில் அமைந்துள்ள குடிநீர் குழாயின் கீழ் சிமெண்டு தளம் கிடையாது. இதனால் நீரானது தேங்கி நிற்கிறது. எனவே சம்பந்தப்பட்ட அதிகாரிகள் இந்த குழாயின் கீழ் சிமெண்டு தளம் அமைக்க நடவடிக்கை எடுக்க வேண்டும்.-

சிவபிரகாசம், கிருங்காக்கோட்டை.