அரசு பஸ் மோதி விவசாயி பலி

ஒரத்தநாடு;

ஒரத்தநாட்டை அடுத்துள்ள திருமங்கலக்கோட்டை கீழையூர் கிராமத்தை சேர்ந்தவர் காமராஜ்(வயது34). விவசாயியான இவர் நேற்று காலை திருமங்கலக்கோட்டை கீழையூரிலிருந்து மோட்டார் சைக்கிளில் புறப்பட்டு வடசேரிக்கு சென்று கொண்டிருந்தார். காமராஜ் கண்ணாறு அருகே சென்றுக் கொண்டிருந்தபோது அதே சாலையில் எதிரே வந்த ஒரு அரசு பஸ் காமராஜ் ஓட்டி சென்ற மோட்டார் சைக்கிள் மீது மோதியது. இதில் படுகாயம் அடைந்த காமராஜை அக்கம் பக்கத்தினர் மீட்டு ஒரத்தநாடு அரசு ஆஸ்பத்திரிக்கு சிகிச்சைக்காக கொண்டு சென்றனர். அங்கு அவரை பரிசோதித்த டாக்டர் அவர் இறந்து விட்டதாக தெரிவித்தார்.இதுகுறித்து பாப்பாநாடு போலீசார் வழக்குப்பதிவு செய்து விசாரணை நடத்தி வருகிறார்கள்.