அந்தியூர் கூட்டுறவு சங்கத்தில்ரூ.4½ லட்சத்துக்கு வாழைத்தார் விற்பனை

அந்தியூர்

அந்தியூர் புதுப்பாளையம் வேளாண்மை உற்பத்தியாளர் கூட்டுறவு சங்கத்தில் வாழைத்தார் ஏலம் நடைபெற்றது. இதற்கு அந்தியூர், அத்தாணி, ஆப்பக்கூடல், கள்ளிப்பட்டி, வெள்ளித்திருப்பூர், ஒலகடம், சென்னம்பட்டி உள்பட பல்வேறு பகுதிகளில் இருந்து வாழைத்தார்கள் கொண்டு வரப்பட்டன. இதில் கதலி (கிலோ) ரூ.55-க்கும், நேந்திரம் ரூ.300-க்கும் ஏலம் போனது.

பூவன் (தார்) ரூ.450-க்கும், செவ்வாழை ரூ.800-க்கும், தேன்வாழை ரூ.750-க்கும், ரஸ்தாளி ரூ.620-க்கும், மொந்தன் ரூ.300-க்கும், ரொபஸ்டா ரூ.350-க்கும் ஏலம் விடப்பட்டன. மொத்தம் ரூ.4 லட்சத்து 29 ஆயிரத்து 700-க்கு வாழைத்தார்கள் விற்பனையானது. ஈரோடு, திருப்பூர், சத்தியமங்கலம், பெருந்துறை, கோவை உள்பட பல்வேறு பகுதிகளில் இருந்து வந்த வியாபாரிகள் வாழைத்தார்களை ஏலம் எடுத்துச் சென்றனர்.