பிளாஸ்டிக் ஒழிப்பு விழிப்புணர்வு பேரணி

பாவூர்சத்திரம்:

பாவூர்சத்திரம் அருகே உள்ள ஆவுடையானூர் பொடியனூர் சிவசக்தி வித்யாலயா சீனியர் செகண்டரி சி.பி.எஸ்.இ. பள்ளியின் சார்பில் பிளாஸ்டிக் பை ஒழிப்பு விழிப்புணர்வு பேரணி நடைபெற்றது. பேரணியை ஆவுடையானூர் பஞ்சாயத்து தலைவர் குத்தாலிங்கராஜன் என்ற கோபி தொடங்கி வைத்தார். மாணவி செல்வமாரி வரவேற்றார். மாணவி ஜெய்ஸ்ரீ மற்றும் கமலிஸ்ரீ ஆகியோர் பிளாஸ்டிக்கை தவிர்ப்பது குறித்து பேசினர்.

பஞ்சாயத்து அலுவலகத்தில் இருந்து புறப்பட்ட இ்ந்த பேரணி மாடியனூர் வழியாக சென்று நிறைவடைந்தது. பேரணியின் போது பிளாஸ்டிக் ஒழிப்பு துண்டுபிரசுரங்களை பொதுமக்களுக்கு வழங்கினர். பேரணிக்கான ஏற்பாடுகளை பள்ளி முதல்வர் நித்யா தினகரன் முன்னிலையில் ஆசிரியர்கள் செய்திருந்தனர்.