தந்தை பெரியார் விருது பெற விண்ணப்பிக்கலாம்

சிவகங்கை, 

கலெக்டர் மதுசூதன்ரெட்டி வெளியிட்டுள்ள செய்திக்குறிப்பில் கூறியிருப்பதாவது:-

சமூக நீதிக்காக பாடுபடுபவர்களை சிறப்பு செய்வதற்காக தந்தை பெரியார் விருது கடந்த 1995-ம் ஆண்டு முதல் வழங்கப்பட்டு வருகிறது. இந்த விருது பெறுவோருக்கு ரூ.5 லட்சம் விருது தொகையும், ஒரு சவரன் தங்கப்பதக்கமும், தகுதியுரையும் வழங்கப்படுகிறது. இவ்விருதுக்கு தகுதியானவர் முதல்-அமைச்சரால் தேர்வு செய்யப்படுகிறார்.

இந்த ஆண்டுக்கான தமிழக அரசின் சமூக நீதிக்கான தந்தை பெரியார் விருது பெற விரும்புபவர்களிடம் இருந்து விண்ணப்பங்கள் பெறப்படவுள்ளன. எனவே, விருது பெற விரும்புபவர்கள் சமூக நீதிக்காக பாடுபட்டு பொதுமக்களின் வாழ்க்கை தரத்தினை மேம்படுத்திட மேற்கொள்ளப்பட்ட பணிகள் மற்றும் அதன் பொருட்டு எய்திய சாதனைகளுடன் தங்களது விண்ணப்பத்தினை மாவட்ட கலெக்டருக்கு விண்ணப்பிக்கலாம். விண்ணப்பத்தில் சுயவிவரம், முழு முகவரி, தொலைபேசி எண் மற்றும் சமூக நீதிக்காக பாடுபட்ட பணிகள் குறித்த விவரம் மற்றும் ஆவணங்கள் இருத்தல் வேண்டும். இந்த விருதிற்கான விண்ணப்பங்கள் வந்து சேர வேண்டிய கடைசி நாள் அக்டோபர் 31-ந் தேதிஆகும். இவ்வாறு அதில் கூறப்பட்டுள்ளது.