கழுகுமலையில்தொழிலாளி மீது தாக்குதல்

கழுகுமலை:

கழுகுமலை விநாயகர் காலனி பகுதியை சேர்ந்த இருளப்பன் மகன் சிவா (வயது 22). இவர் சிவகாசியில் உள்ள பட்டாசு ஆலையில் தொழிலாளியாக வேலை பார்த்து வருகிறார். நேற்று முன்தினம் இரவு சிவா கழுகுமலை எட்டயபுரம் சாலையில் மோட்டார் சைக்கிளில் வேகமாக வந்து கொண்டிருந்தார். அப்போது கழுகுமலை முத்தையன் சேர்வை தெருவை சேர்ந்த வெள்ளபாண்டி மகன் டிரைவர் ரமேஷ் (25) என்பவர் சிவாவை வழிமறித்து தெரு பகுதியில் மோட்டார் சைக்கிளில் வேகமாக செல்லக்கூடாது என கண்டித்துள்ளார். இதில் இருவருக்கும் வாக்குவாதம் ஏற்பட்டதில், ஆத்திரமடைந்த ரமேஷ் சிவாவை தாக்கினார். இதில் காயமடைந்த சிவா கோவில்பட்டி அரசு மருத்துவமனையில் சிகிச்சை பெற்று வருகிறார். அவர் கொடுத்த புகாரின்பேரில் கழுகுமலை போலீஸ் சப்- இன்ஸ்பெக்டர் குருசாமி வழக்கு பதிவு செய்து ரமேஷை வலை வீசி தேடி வருகிறார்.