குழந்தை திருமணம் செய்ய முயன்ற 4 பேர் கைது

திருமங்கலம், 

திருமங்கலம் அருகே பெரிய செங்குளம் கிராமத்தைச் சேர்ந்தவர் தெய்வேந்திரன் (வயது25). இவருக்கும் 14 வயது சிறுமிக்கும் கடந்த 2 நாட்களுக்கு முன்பு திருமணம் நடைபெறப் போவதாக திருமங்கலம் அனைத்து மகளிர் காவல் நிலையத்திற்கு தகவல் கிடைத்தது. அதன் அடிப்படையில் இன்ஸ்பெக்டர் பூங்கொடி தலைமையில் போலீசார் நடைபெற இருந்த குழந்தை திருமணத்தை தடுத்து நிறுத்தினர். மேலும் திருமணத்திற்கு ஏற்பாடு செய்த தெய்வேந்திரன் தந்தை ராமச்சந்திரன் (43), தாய் அன்னபூரணி (42) சிறுமியின் பெற்றோர் முத்துமுருகன் (45) பிரியா (34) ஆகிய 5 பேர் மீது வழக்குப்பதிவு செய்து 4 பேரை கைது செய்து போலீசார் விசாரித்து வருகின்றனர்.