மோட்டார் சைக்கிள் விபத்தில் வாலிபர் பலி

முக்கூடல்:

ஆலங்குளம் அருகே உள்ள சிறுக்கன்குறிச்சி தெற்கு தெருவைச் சேர்ந்தவர் சங்கரமூர்த்தி மகன் நவீன் (வயது 21). கூலி தொழிலாளி. இவர் நேற்று மதியம் முக்கூடல் அருகே இலந்தகுளத்துக்கு வந்துவிட்டு மோட்டார் சைக்கிளில் ஊருக்கு சென்று கொண்டிருந்தார். இலந்தகுளம் அருகே சென்றபோது எதிரே 2 பேர் மற்றொரு மோட்டார் சைக்கிளில் வந்தனர். அப்போது, 2 மோட்டார் சைக்கிள்களும் ேமாதிக் கொண்டன. இதில் நவீன் பலத்த காயம் அடைந்தார். மற்ற 2 பேர் லேசான காயம் அடைந்தனர். இதுகுறித்து தகவலறிந்த முக்கூடல் போலீசார் சம்பவ இடத்திற்கு விரைந்து சென்று நவீனை மீட்டு முக்கூடல் அரசு மருத்துவமனைக்கு கொண்டு சென்றனர். அங்கு பரிசோதித்த டாக்டர்கள், அவர் ஏற்கனவே இறந்து விட்டதாக தெரிவித்தனர். இதையடுத்து அவரது உடலை பிரேதப் பரிசோதனைக்காக நெல்லை அரசு மருத்துவமனைக்கு அனுப்பி வைத்தனர். இதுகுறித்து முக்கூடல் போலீசார் வழக்குப்பதிவு செய்து விசாரணை நடத்தி வருகிறார்கள்.