மூதாட்டியிடம் 9 பவுன் தாலிச்சங்கிலி பறிப்பு

திருச்சி தென்னூர் அண்ணாநகரை சேர்ந்தவர் ராஜேந்திரன். இவருடைய மனைவி உஷாராணி (வயது 61). இவர் சம்பவத்தன்று இரவு தனது பேரக்குழந்தைகளுடன் வீட்டின் அருகே நடைபயிற்சி சென்றார். அப்போது அவருக்கு எதிர்திசையில் மோட்டார் சைக்கிளில் வந்த வாலிபர் உஷாராணி அணிந்திருந்த 9 பவுன் தாலிச்சங்கிலியை பறித்துக்கொண்டு தப்பி சென்றார். இது குறித்து அவர் தில்லைநகர் போலீசில் புகார் அளித்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகிறார்கள்.