மகளிர் உரிமைத் தொகை திட்டம்: கூட்டுறவு வங்கிகளில் புதிதாக 9.91 லட்சம் கணக்குகள் தொடக்கம் - அமைச்சர் பெரியகருப்பன் தகவல்

சென்னை,

கலைஞர் மகளிர் உரிமைத் தொகை திட்டத்திற்காக கூட்டுறவு வங்கிகளில் 9.91 லட்சம் கணக்குகள் புதிதாக தொடங்கப்பட்டுள்ளதாக கூட்டுறவுத்துறை அமைச்சர் பெரியகருப்பன் தெரிவித்துள்ளார். இது தொடர்பாக சென்னையில் செய்தியாளர்களிடம் பேசிய போது அவர் கூறியதாவது;-

"தமிழக அரசின் கலைஞர் மகளிர் உரிமைத் தொகை திட்டத்தை சிறப்பாக செயல்படுத்தியதற்காக முதல்-அமைச்சரின் பாராட்டை கூட்டுறவு வங்கிகள் பெற்றுள்ளன. முதல்-அமைச்சரால் அறிவிக்கப்பட்டு செயல்படுத்தப்பட்டுள்ள இந்த திட்டத்திற்காக கூட்டுறவு வங்கிகளில் புதிதாக 9 லட்சத்து 91 ஆயிரம் கணக்குகள் தொடங்கப்பட்டுள்ளன.

தேசியமயமாக்கப்பட்ட வங்கிகளுக்கு இணையாக மட்டுமின்றி, இன்னும் கூடுதலாகவே கூட்டுறவு வங்கிகளின் பணியாளர்களின் செயலாற்றி இருப்பது பாராட்டுக்குரியது."

இவ்வாறு அமைச்சர் பெரியகருப்பன் தெரிவித்தார்.