மாணவிகளின் வசதிக்காக 3 டவுன் பஸ்கள்

ஒட்டன்சத்திரம் அருகே சின்னையகவுண்டன்வலசுவில் பழனியாண்டவர் மகளிர் அரசு கலை மற்றும் அறிவியல் கல்லூரி உள்ளது. இந்த கல்லூரியில் சுமார் 450 மாணவிகள் பயின்று வருகின்றனர். இந்நிலையில் மாணவிகளின் வசதிக்காக 3 அரசு டவுன் பஸ்கள் இயக்கப்பட உள்ளது. இதற்கான தொடக்க விழா நேற்று முன்தினம் நடந்தது. இதில் உணவுத்துறை அமைச்சர் அர.சக்கரபாணி கலந்து கொண்டு 3 பஸ்களின் சேவையை கொடியசைத்து தொடங்கி வைத்தார்.