பள்ளி மாணவர் உள்பட 2 பேர் பலி

வேடசந்தூர் அருகே உள்ள நவாமரத்துபட்டியை சேர்ந்தவர் மாரீஸ்வரன் (வயது 15). சுள்ளெரும்பு அரசு மேல்நிலைப் பள்ளியில் 9-ம் வகுப்பு படித்து வந்தார். நேற்று முன்தினம் இவர், சாலையூர் நால்ரோட்டில் இருந்து மொபட்டில் நவாமரத்துபட்டிக்கு சென்று கொண்டிருந்தார். சுள்ளெரும்பு அருகே உள்ள தனியார் நூற்பாலை முன்பு சென்றபோது, காளணம்பட்டியை சேர்ந்த முத்துசாமி (35) என்பவர் ஓட்டி வந்த மோட்டார்சைக்கிள், இவரது மொபட் மீது ேமாதியது. இதில் படுகாயமடைந்த மாரீஸ்வரனை அக்கம்பக்கத்தினா் மீட்டு சிகிச்சைக்காக திண்டுக்கல் அரசு மருத்துவமனையில் சேர்த்தனர். அங்கு சிகிச்சை பலனின்றி அவர் பரிதாபமாக இறந்தார். இதுகுறித்து வேடசந்தூர் சப்-இன்ஸ்பெக்டர் வேல்மணி வழக்குப்பதிவு செய்து விசாரணை நடத்தி வருகிறார்.

நத்தம் அருகே உள்ள வத்திப்பட்டியை சேர்ந்தவர் முகமதுயாசின் (27). கூலித்தொழிலாளி. நேற்று இவர், வத்திப்பட்டியில் இருந்து மோட்டார்சைக்கிளில் பரளி நோக்கி சென்று கொண்டிருந்தார். திண்டுக்கல்-மதுரை சாலையில் வலையபட்டி பிரிவு அருகே சென்றபோது, எதிரே வந்த மினிவேன் இவரது மோட்டார்சைக்கிள் மீது மோதியது. இதில் படுகாயமடைந்த அவரை அக்கம்பக்கத்தினர் மீட்டு சிகிச்சைக்காக நத்தம் அரசு மருத்துவமனைக்கு அனுப்பி வைத்தனர். அங்கிருந்து மேல்சிகிச்சைக்காக அவர் மதுரை அரசு ஆஸ்பத்திரிக்கு கொண்டு செல்லப்பட்டார். அங்கு சிகிச்சை பலனின்றி அவர் பரிதாபமாக இறந்தார். இதுகுறித்து நத்தம் போலீசார் வழக்குப்பதிவு செய்து விசாரணை நடத்தி வருகின்றனர்.