அரவைக்காக 2 ஆயிரம் டன் நெல்

நன்னிலம்:

பேரளத்தில் இருந்து சென்னைக்கு அரவைக்காக 2 ஆயிரம் டன் சன்னரக நெல் சரக்கு ரெயிலில் அனுப்பி வைக்கப்பட்டது. முன்னதாக நன்னிலம் மற்றும் அதன் சுற்றுவட்டார பகுதிகளில் உள்ள அனைத்து நேரடி நெல் கொள்முதல் நிலையங்களிலும், விவசாயிகளிடம் இருந்து கொள்முதல் செய்யப்பட்ட 2 ஆயிரம் டன் சன்னரக நெல்மூட்டைகள், லாரிகள் மூலம் பேரளம் ரெயில் நிலையத்துக்கு எடுத்துவரப்பட்டது. பின்னர் சுமை தூக்கும் தொழிலாளர்கள் நெல் மூட்டைகளை சரக்கு ரெயிலின் 42 பெட்டிகளில் ஏற்றினர். அதையடுத்து அரவைக்காக நெல் மூட்டைகளுடன் சரக்கு ரெயில் சென்னைக்கு புறப்பட்டு சென்றது.