இரு மாநில தேர்தல் 3 மணி வாக்குப்பதிவு நிலவரம்: உ.பி - 48.81%, பஞ்சாப் - 49.81 %
உத்தரப்பிரதேசத்தில் பிற்பகல் 3 மணி நிலவரப்படி, 48.81 சதவிகிதமும், பஞ்சாப் - 49.81 சதவிகிதமும் வாக்குகள் பதிவாகி உள்ளது
புதுடெல்லி,
உத்தரப்பிரதேசம் மாநிலத்தில் 3 ஆம் கட்டமாக 16 மாவட்டங்களில் உள்ள 59 தொகுதிகளில் வாக்குப்பதிவு இன்று காலை 7 மணிக்கு தொடங்கி நடைபெற்று வருகிறது.இதற்காக,25,741 வாக்குச்சாவடிகள் அமைக்கப்பட்டுள்ளன.
அதைப்போல்,பஞ்சாப் மாநிலத்தில் 23 மாவட்டங்களில் உள்ள 117 தொகுதிகளுக்கான சட்டப்பேரவை தேர்தல் இன்று காலை 8 மணிக்கு தொடங்கியுள்ளது. இத்தேர்தல் ஒரே கட்டமாக இன்று நடைபெறுகிறது.
இந்நிலையில், உத்தரப்பிரதேசத்தில் 3-ம் கட்ட வாக்குப்பதிவில் பிற்பகல் 3 மணி நிலவரப்படி, 48.81 சதவிகிதமும், பஞ்சாப் - 49.81 சதவிகிதமும் வாக்குகள் பதிவாகி உள்ளதாக தேர்தல் ஆணையம் தெரிவித்துள்ளது.
இரு மாநிலத்திலும் மக்கள் விறுவிறுப்புடன் ஓட்டுச்சாவடிக்கு வந்து தங்களது ஜனநாயக கடமையை பதிவு செய்து வருகின்றனர்.