திருப்பதி ஏழுமலையான் கோவில் பிரம்மோற்சவ விழா, கொடியேற்றத்துடன் இன்று தொடக்கம்
திருப்பதி ஏழுமலையான் கோவிலில் பிரம்மோற்சவ விழா இன்று (திங்கட்கிழமை) மாலை கொடியேற்றத்துடன் தொடங்கி 9 நாட்கள் நடக்கிறது. 4-ந் தேதி கருடசேவை நடைபெறுகிறது.
திருமலை,
திருப்பதி ஏழுமலையான் கோவிலில் வருடாந்திர பிரம்மோற்சவ விழா இன்று (திங்கட்கிழமை) மாலை கொடியேற்றத்துடன் கோலாகலமாக தொடங்குகிறது. அதையொட்டி நேற்று மாலை அங்குரார்ப்பணம் நடந்தது. அதைத்தொடர்ந்து இன்று மாலை 5.23 மணியில் இருந்து 6 மணிவரை மீன லக்னத்தில் கொடியேற்றம் நடக்கிறது. இன்று இரவு பெரிய சேஷ வாகன வீதிஉலா நடக்கிறது.
நாளை (அக்டோபர்) 1-ந்தேதி காலை சிறிய சேஷ வாகன வீதிஉலா, இரவு அம்ச வாகன வீதிஉலா. 2-ந்தேதி காலை சிம்ம வாகன வீதிஉலா, இரவு முத்துப்பந்தல் வாகன வீதிஉலா, 3-ந்தேதி காலை கல்ப விருட்ச வாகன வீதிஉலா, இரவு சர்வ பூபால வாகன வீதிஉலா, 4-ந்தேதி மோகினி அவதாரத்தில் பல்லக்கு வாகன வீதிஉலா, இரவு 7 மணியில் இருந்து இரவு 12 மணிவரை கருட வாகன வீதிஉலா.
5-ந்தேதி காலை அனுமந்த வாகன வீதிஉலா, மாலை தங்கத்தேரோட்டம், இரவு யானை வாகன வீதிஉலா, 6-ந்தேதி காலை சூரிய பிரபை வாகன வீதிஉலா, இரவு சந்திர பிரபை வாகன வீதிஉலா, 7-ந்தேதி காலை தேரோட்டம், இரவு குதிரை வாகன வீதிஉலா, 8-ந்தேதி காலை சக்கர ஸ்நானம், இரவு கொடியிறக்கம் நடக்கிறது.
வாகன வீதிஉலா தினமும் காலை 9 மணியில் இருந்து பகல் 11 மணிவரையிலும், இரவு 8 மணியில் இருந்து இரவு 10 மணிவரையிலும் நடக்கிறது. மேற்கண்ட வாகனங்களில் உற்சவர் மலையப்பசாமி தனித்தும், உபய நாச்சியார்களான ஸ்ரீதேவி, பூதேவியுடனும் சிறப்பு அலங்காரத்திலும், பிரத்யேக அவதாரத்திலும் எழுந்தருளி கோவிலின் நான்கு மாடவீதிகளில் உலா வந்து பக்தர்களுக்கு அருள் பாலிக்கின்றனர்.
திருப்பதி ஏழுமலையான் கோவிலில் வருடாந்திர பிரம்மோற்சவ விழா இன்று (திங்கட்கிழமை) மாலை கொடியேற்றத்துடன் கோலாகலமாக தொடங்குகிறது. அதையொட்டி நேற்று மாலை அங்குரார்ப்பணம் நடந்தது. அதைத்தொடர்ந்து இன்று மாலை 5.23 மணியில் இருந்து 6 மணிவரை மீன லக்னத்தில் கொடியேற்றம் நடக்கிறது. இன்று இரவு பெரிய சேஷ வாகன வீதிஉலா நடக்கிறது.
நாளை (அக்டோபர்) 1-ந்தேதி காலை சிறிய சேஷ வாகன வீதிஉலா, இரவு அம்ச வாகன வீதிஉலா. 2-ந்தேதி காலை சிம்ம வாகன வீதிஉலா, இரவு முத்துப்பந்தல் வாகன வீதிஉலா, 3-ந்தேதி காலை கல்ப விருட்ச வாகன வீதிஉலா, இரவு சர்வ பூபால வாகன வீதிஉலா, 4-ந்தேதி மோகினி அவதாரத்தில் பல்லக்கு வாகன வீதிஉலா, இரவு 7 மணியில் இருந்து இரவு 12 மணிவரை கருட வாகன வீதிஉலா.
5-ந்தேதி காலை அனுமந்த வாகன வீதிஉலா, மாலை தங்கத்தேரோட்டம், இரவு யானை வாகன வீதிஉலா, 6-ந்தேதி காலை சூரிய பிரபை வாகன வீதிஉலா, இரவு சந்திர பிரபை வாகன வீதிஉலா, 7-ந்தேதி காலை தேரோட்டம், இரவு குதிரை வாகன வீதிஉலா, 8-ந்தேதி காலை சக்கர ஸ்நானம், இரவு கொடியிறக்கம் நடக்கிறது.
வாகன வீதிஉலா தினமும் காலை 9 மணியில் இருந்து பகல் 11 மணிவரையிலும், இரவு 8 மணியில் இருந்து இரவு 10 மணிவரையிலும் நடக்கிறது. மேற்கண்ட வாகனங்களில் உற்சவர் மலையப்பசாமி தனித்தும், உபய நாச்சியார்களான ஸ்ரீதேவி, பூதேவியுடனும் சிறப்பு அலங்காரத்திலும், பிரத்யேக அவதாரத்திலும் எழுந்தருளி கோவிலின் நான்கு மாடவீதிகளில் உலா வந்து பக்தர்களுக்கு அருள் பாலிக்கின்றனர்.