தங்கலான் டீசர் ரெடி.. அப்டேட் கொடுத்த பா.இரஞ்சித்

இயக்குனர் பா.இரஞ்சித் இயக்கத்தில் விக்ரம் நடித்து வரும் படம் 'தங்கலான்'. இந்த படத்தில் பார்வதி, மாளவிகா மோகனன், பசுபதி, ஹரி, பிரிட்டிஷ் நடிகர் டேனியல் கால்டகிரோன் நடிக்கின்றனர். ஞானவேல் ராஜா தயாரிக்கும் இப்படத்திற்கு ஜி.வி.பிரகாஷ்குமார் இசையமைக்கிறார்.

இப்படம் கர்நாடக மாநிலத்தில் உள்ள கே.ஜி.எஃப். குறித்த கதை என்று இயக்குனர் பா.இரஞ்சித் தெரிவித்திருந்தார். இதனால் இந்த படம் ரசிகர்களிடையே மிகப்பெரிய எதிர்பார்ப்பை ஏற்படுத்தியுள்ளது. இப்படத்தின் படப்பிடிப்பு கடந்த ஆண்டு தொடங்கி விறுவிறுப்பாக நடைபெற்று வருகிறது.

இந்நிலையில், இயக்குனர் பா.இரஞ்சித் 'தங்கலான்' படத்தின் அப்டேட் கொடுத்துள்ளார். சென்னையில் பத்திரிகையாளர்களை சந்தித்த இயக்குனர் பா.இரஞ்சித் 'தங்கலான்' படத்தின் அப்டேட் அடுத்த வாரம் டீசருடன் வெளியாகும் என்று தெரிவித்துள்ளார். இந்த செய்தி ரசிகர்களை உற்சாகப்படுத்தியுள்ளது.