நெல்லை- தாம்பரம் சிறப்பு ரெயில் சேவை நீட்டிப்பு

பண்டிகை கால கூட்ட நெரிசலை சமாளிக்க அம்பை, ராஜபாளையம், மதுரை வழியாக இயக்கப்படும் நெல்லை- தாம்பரம் வாராந்திர சிறப்பு கட்டண ரெயில் சேவை வருகிற 18-ந் தேதி முதல் அடுத்த ஆண்டு ஜனவரி மாதம் 29-ந் தேதி வரை நீட்டிக்கப்பட்டுள்ளது. அதன்படி நெல்லை- தாம்பரம் வாராந்திர சிறப்பு கட்டண ரெயில் (06004) நெல்லையில் இருந்து ஞாயிற்றுக்கிழமைகளில் இரவு 7.20 மணிக்கு புறப்பட்டு மறுநாள் காலை 9.20 மணிக்கு தாம்பரம் சென்று சேரும். மறுமார்க்கத்தில் தாம்பரம்- நெல்லை வாராந்திர சிறப்பு கட்டண ரெயில் (06003) தாம்பரத்தில் இருந்து வருகிற 19-ந் தேதி முதல் ஜனவரி 30-ந்தேதி வரை திங்கட்கிழமைகளில் இரவு 10.20 மணிக்கு புறப்பட்டு மறுநாள் காலை 10.40 மணிக்கு நெல்லை வந்து சேரும். இ்ந்த ரெயில்களுக்கான முன்பதிவு இன்று (வியாழக்கிழமை) தொடங்குகிறது. இந்த தகவலை, தெற்கு ரெயில்வே மதுரை கோட்டம் தெரிவித்துள்ளது.