இருட்டைப் பார்த்து பயப்படுகிறீர்களா..?

அத்தகைய அதீத பயத்தை 'போபியா' என்பார்கள். மனோதத்துவப்படி, ஆயிரக்கணக்கான போபியாக்கள் உலகெங்கும் நிறைந்திருக்க, அவற்றில் முக்கியமானவற்றை இங்கு பார்ப்போம்...!

* சிலர் பூனையைக் கண்டால் பயப்படுவார்கள். அதற்கு ஆங்கிலத்தில் ஐலுரோபோபியா என்று பெயர்.

* சிலந்தியைக் கண்டால் சிலருக்கு பயம் ஏற்படும். அதற்கு அரக்னேபோபியா என்று பெயர்.

* சிலருக்கு நாயைக் கண்டால் காரணமின்றி பயம் உண்டாகும். அதை ஸைனோபோபியா என்கிறார்கள்.

* சிலர் பாம்பைக் கண்டாலே அலறி நடுங்குவார்கள். அது, அபிடியோபோபியா.

* சிலருக்கு கம்பளிப் பூச்சியைக் கண்டால் உடம்பெல்லாம் அரிப்பது போன்ற கற்பனை உணர்வும், எறும்பைக் கண்டால் உடம்பெல்லாம் கடிப்பது போன்ற கற்பனை உணர்வும் உண்டாகும். அதற்கு பெடிக்குலோபோபியா என்று பெயர்.

* சிலருக்கு பொதுவாக பிராணிகளைக் கண்டாலே ஒருவித பயம் ஏற்படும். அதற்கு ஜூபோபியா என்று பெயர்.

* சிலருக்கு இருட்டைக் கண்டாலே பயம். அப்படிப்பட்ட உணர்வை ஸ்கோட்டோபோபியா என்கிறார்கள்.

* சிலருக்கு கடலை கண்டால் பயம். அதை தாலஸ்ஸோபோபியா என்பார்கள்.

* சிலருக்கு தீயை கண்டால் பயம். அதற்கு தெர்மோபோபியா என்று பெயர்.

* சிலருக்கு மழை பெய்வதை அல்லது பெய்யப் போவதை நினைத்தாலே பயமெடுக்கும். அதற்கு ஆம்ப்ரோபோபியா என்று பெயர்.

* சிலருக்கு பிணங்களையும், இறந்த பிராணிகளையும் பார்த்தால் ஒரு வகை பயமும், தொடர் அருவருப்பும் ஏற்படும். அதை டோராபோபியா என்பார்கள்.

* சிலர் மனித சஞ்சாரமற்ற வெட்டவெளியில் தனியே இருக்க பயப்படுவார்கள். அதற்கு ஆங்கிலத்தில் அகோராபோபியா என்று பெயர்.

* ஒரு சிலருக்கு மற்றவர் தங்களை தொட்டாலோ, இடித்துக்கொண்டு போனாலோ ஒரு வகை அருவருப்பும், பயமும் ஏற்படும். அதற்கு ஹபிபோபியா என்று பெயர்.

* சிலர் தங்கள் உடலில் தாங்க முடியாத வலி இருப்பதாக கற்பனை செய்து கொண்டு பயப்படுவார்கள். அதை ஆல்கோபோபியா என்கிறார்கள்.

* சிலர் தாழ்வு மனப்பான்மையின் காரணமாக மற்றவர்கள் தங்களை கேலி செய்வார்களோ என்ற பயத்தைக் கொண்டிருப்பார்கள். அதற்கு கேட்டகெலோபோபியா என்று பெயர்.

* சிலருக்கு ஒரு சில வாசனைகள் அருவருப்பையும், ஒருவித பயத்தையும் உண்டு பண்ணும். அதற்கு ஆஸ்மோபோபியா என்று பெயர்.

* சிலருக்கு தங்களை யாராவது உற்றுப் பார்த்தாலோ, முறைத்துப் பார்த்தாலோ மனதில் ஒருவித பயம் தோன்றும். அதற்கு ஸ்கோபோபோபியா என்று பெயர்.