புரோ கபடி லீக்; தெலுங்கு டைட்டன்ஸை வீழ்த்தி அபார வெற்றி பெற்ற அரியானா ஸ்டீலர்ஸ்

புனே,

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்திலும், 2-வது கட்ட லீக் ஆட்டங்கள் நொய்டாவிலும் நடைபெற்று முடிந்தன. இந்த தொடரின் 3-வது கட்ட லீக் ஆட்டங்கள் தற்போது புனேவில் நடைபெற்று வருகிறது.

இந்நிலையில், இந்த தொடரில் இன்று நடைபெற்ற முதல் லீக் ஆட்டத்தில் அரியானா ஸ்டீலர்ஸ் - தெலுங்கு டைட்டன்ஸ் அணிகள் மோதின. இந்த போட்டியில் தொடக்க முதலே அரியானா ஸ்டீலர்ஸ் அணி ஆதிக்கம் செலுத்தியது.

இறுதியில் இந்த ஆட்டத்தில் 46-25 என்ற புள்ளிக்கணக்கில் தெலுங்கு டைட்டன்ஸை வீழ்த்தி அரியானா ஸ்டீலர்ஸ் அபார வெற்றி பெற்றது. தொடர்ந்து இன்று நடைபெற்று வரும் மற்றொரு லீக் ஆட்டத்தில் புனேரி பால்டன் - தபாங் டெல்லி அணிகள் ஆடி வருகின்றன.