புரோ கபடி லீக்; குஜராத் ஜெயண்ட்ஸை வீழ்த்திய ஜெய்ப்பூர் பிங்க் பாந்தர்ஸ்

புனே,

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்திலும், 2-வது கட்ட லீக் ஆட்டங்கள் நொய்டாவிலும் நடைபெற்று முடிந்தன. இந்த தொடரின் 3-வது கட்ட லீக் ஆட்டங்கள் தற்போது புனேவில் நடைபெற்று வருகிறது.

இந்நிலையில், இந்த தொடரில் இன்று 2 லீக் ஆட்டங்கள் நடைபெறுகிறது. இதில் இரவு 8 மணிக்கு நடைபெற்ற ஆட்டத்தில் குஜராத் ஜெயண்ட்ஸ் - ஜெய்ப்பூர் பிங்க் பாந்தர்ஸ் அணிகள் மோதின. இந்த ஆட்டத்தில் தொடக்கம் முதலே ஜெய்ப்பூர் அணி புள்ளிகளை குவித்தது.

இறுதியில் இந்த ஆட்டத்தில் 42-29 என்ற புள்ளிக்கணக்கில் குஜராத் ஜெயண்ட்ஸை வீழ்த்தி ஜெய்ப்பூர் பிங்க் பாந்தர்ஸ் வெற்றி பெற்றது. தொடர்ந்து இன்று நடைபெற்று வரும் மற்றொரு ஆட்டத்தில் பெங்கால் வாரியர்ஸ் - பெங்களூரு புல்ஸ் அணிகள் ஆடி வருகின்றன.