புரோ கபடி லீக்; அரியானா ஸ்டீலர்ஸ் - தெலுங்கு டைட்டன்ஸ் அணிகள் இன்று மோதல்

புனே,

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்திலும், 2-வது கட்ட லீக் ஆட்டங்கள் நொய்டாவிலும் நடைபெற்று முடிந்தன. இந்த தொடரின் 3-வது கட்ட லீக் ஆட்டங்கள் தற்போது புனேவில் நடைபெற்று வருகிறது.

இந்நிலையில், இந்த தொடரில் இன்று 2 லீக் ஆட்டங்கள் நடைபெறுகிறது. இதில் இரவு 8 மணிக்கு தொடங்கும் ஆட்டத்தில் அரியானா ஸ்டீலர்ஸ் - தெலுங்கு டைட்டன்ஸ் அணிகள் மோத உள்ளன. தொடர்ந்து இரவு 9 மணிக்கு தொடங்கும் ஆட்டத்தில் புனேரி பால்டன் - தபாங் டெல்லி அணிகள் மோத உள்ளன.

இந்த தொடரில் இதுவரை நடந்துள்ள லீக் ஆட்டங்களின் முடிவில் புள்ளிப்பட்டியலில், அரியானா ஸ்டீலர்ஸ் முதல் இடத்திலும், தெலுங்கு டைட்டன்ஸ் 5வது இடத்திலும், தபாங் டெல்லி 6வது இடத்திலும், புனேரி பால்டன் 8வது இடத்திலும் உள்ளன.