கடைசி டி20 : ஆஸ்திரேலியா- பாகிஸ்தான் அணிகள் நாளை மோதல்

மெல்போர்ன்,

ஆஸ்திரேலியாவில் சுற்றுப்பயணம் மேற்கொண்டுள்ள பாகிஸ்தான் கிரிக்கெட் அணி 3 ஒருநாள் , 3 டி20 போட்டிகள் கொண்ட தொடரில் விளையாடி வருகிறது.இதில், ஒருநாள் கிரிக்கெட்டில் 2-1 என்ற புள்ளிகள் கணக்கில் ஆஸ்திரேலியாவை வீழ்த்தி தொடரை பாகிஸ்தான் கைப்பற்றியது.இதையடுத்து, இரு அணிகளுக்கு இடையேயான டி20 கிரிக்கெட் தொடர் நடைபெற்று வருகிறது. முதல் டி20 போட்டியில் ஆஸ்திரேலியா வெற்றிபெற்றது. இதனை தொடர்ந்து இரு அணிகளுக்கும் இடையேயான 2வது டி20 ஆட்டம் பிரிஸ்பென்னில் நேற்று நடைபெற்றது .இதில் 13 ரன்கள் வித்தியாசத்தில் வீழ்த்தி ஆஸ்திரேலியா திரில் வெற்றிபெற்றது.

இந்த நிலையில் இரு அணிகளுக்கும் இடையேயான கடைசி டி20 போட்டி நாளை நடைபெற உள்ளது. இந்த போட்டியில் வெற்றி பெற்று தொடரை முழுமையாக கைப்பற்ற ஆஸ்திரேலியா தீவிரம் காட்டும் . ஆறுதல் வெற்றி பெற பாகிஸ்தான் முனைப்பு காட்டும். இந்திய நேரப்படி மதியம் 1.30 மணிக்கு இந்த போட்டி தொடங்குகிறது.