லைவ் அப்டேட்ஸ்: சென்னைக்கு ரெட் அலர்ட் ஏன்? வானிலை மையம் விளக்கம்

சென்னை கோயம்பேடு சந்தையில் ஒரே நாளில் குறைந்த காய்கறிகளின் விலை

கொளத்தூர் அன்னை இந்திரா நகரில் மழையால் பாதிக்கப்பட்ட மக்களுக்கு மாநகராட்சி சார்பில் உணவு வழங்கப்பட்ட காட்சி

சென்னை கொரட்டூரில் தேங்கி நிற்கும் மழை நீரில் படகு, ஜேசிபி-யில் மக்கள் செல்லும் காட்சி

கனமழை காரணமாக ராயபுரம் மண்டலம் வார்டு 56 பிரகாசம் சாலை பகுதியில் நேற்று மழை நீர் தேங்கி இருந்த நிலையில் மாநகராட்சி ஊழியர்கள் டிராக்டரில் பொருத்தப்பட்ட மோட்டார் மூலம் நீரை அகற்றினர். தற்போது அந்த பகுதியில் முழுமையாக மழை நீர் வடிந்துள்ளது. 

நிவாரண முகாம்களில் மக்கள்

சென்னையில் 70 நிவாரண முகாம்களில் 2 ஆயிரத்து 789 பேர் தங்க வைக்கப்பட்டுள்ளனர் என்று பேரிடர் மேலாண்மை துறை தெரிவித்துள்ளது.

அம்மா உணவகத்தில் இலவச உணவு

சென்னையில் உள்ள அம்மா உணவகங்களில் இன்றும், நாளையும் உணவு இலவசமாக வழங்கப்படும் என்று முதல்-அமைச்சர் மு.க.ஸ்டாலின் தெரிவித்துள்ளார்

சென்னையில் நேற்று மதியம் 2.30 மணிக்கு பிறகு 4.30 செ.மீ மட்டுமே மழை பெய்துள்ளது. திருவள்ளூரில் 4.90 செ.மீ. மட்டுமே மழை பெய்துள்ளது என பேரிடர் மேலாண்மை துறை தெரிவித்துள்ளது.

சென்னையில் ரெயில் இயக்கம் சீரானது

சென்னையில் நேற்று பெய்த கனமழை காரணமாக ரெயில் தண்டவாளங்களில் மழைநீர் தேங்கியது. ஆனால், இன்று மழை பெருமளவு குறைந்துள்ளதால் தண்டவாளங்களில் தேங்கிய மழைநீர் வடிந்தது. இதனால் சென்னையில் ரெயில் இயக்கம் சீரானது

வங்கக்கடலில் நிலைகொண்டுள்ள காற்றழுத்த தாழ்வு மண்டலம்

தென்மேற்கு வங்கக்கடலில் நிலைகொண்டுள்ள காற்றழுத்த தாழ்வு மண்டலம் சென்னைக்கு தென்கிழக்கே 440 கி.மீ. தொலைவில் நிலைகொண்டுள்ளது என இந்திய வானிலை ஆய்வு மையம் தெரிவித்துள்ளது.

சென்னையில் காலை 10 மணி வரை மழை

சென்னை, திருவள்ளூர், காஞ்சிபுரம், செங்கல்பட்டு, ராணிப்பேட்டை, வேலூர், திருப்பத்தூர், திருவண்ணாமலை, விழுப்புரம், தேனி ஆகிய மாவட்டங்களில் காலை 10 மணி வரை லேசான முதல் மிதமான மழை பெய்யும் என்று சென்னை வானிலை ஆய்வு மையம் தெரிவித்துள்ளது.