கூட்டணி கட்சிகளுக்கு ஆட்சி, அதிகாரத்தில் பங்கு: தவெக தலைவர் விஜய்

சுதந்திர போராட்ட வீரர்கள், மொழிப்போர் தியாகிகளுக்கு மலர்தூவி மரியாதை செலுத்தினார் தவெக தலைவர் விஜய்!

மாநாட்டில் பல்லாயிரக்கணக்கான தொண்டர்களை பார்த்ததும் நெகிழ்ச்சி அடைந்த விஜய் கண்கலங்கினார்.

தமிழக வெற்றிக்கழகத்தின்  மாநில மாநாடு தொடங்கிய நிலையில், மாநாட்டு மேடைக்கு சரியாக  நான்கு மணிக்கு வருகை தந்துள்ளார். 

பாரம்பரிய கலை நிகழ்ச்சிகளுடன் விஜய்யின் தவெக மாநாடு தொடங்கியுள்ளது. பறையாட்டம், நாட்டுப்புற பாடல்கள் உள்ளிட்ட கலை நிகழ்ச்சிகள் தற்போது நடைபெற்று வருகிறது.

விஜய்க்கு நடிகர் விமல் வாழ்த்து

'இன்று அரசியல் பயணத்தை தொடங்கும் தளபதி விஜய் அவர்களுக்கு வாழ்த்துகள்' என்று நடிகர் விமல் கூறியுள்ளார்.தவெக மாநாடு நடைபெறும் நிலையில் வாழ்த்து தெரிவித்து நடிகர் விமல் எக்ஸ் தளத்தில் பதிவிட்டுள்ளார்.

தவெக மாநாடு: விசிக துணை பொதுச்செயலாளர் ஆதவ் அர்ஜுனா வாழ்த்து

சென்னை,

விழுப்புரம் மாவட்டம் விக்கிரவாண்டியில் உள்ள வி.சாலையில் நடிகர் விஜய்யின் தமிழக வெற்றிக் கழக மாநாடு தொடங்கி நடைபெற்று வரும் நிலையில், விஜய்க்கு விசிக துணை பொதுச்செயலாளர் ஆதவ் அர்ஜுனா வாழ்த்து தெரிவித்துள்ளார்.

ஆதவ் அர்ஜுனா வெளியிட்டுள்ள வாழ்த்து செய்தியில்,

தமிழக வெற்றிக் கழகத்தின் சார்பில் அக்கட்சியின் முதல் மாநில மாநாடு அதன் தலைவர் விஜய் தலைமையில் இன்று விக்கிரவாண்டியில் நடக்க இருக்கிறது. மாநாட்டு மேடையைச் சுற்றி அமைக்கப்பட்டுள்ள முகப்புகளில் தமிழ்நாடு அரசியலின் கொள்கை ஆசான் தந்தை பெரியார், இந்திய அரசியலின் அடையாளம் புரட்சியாளர் அம்பேத்கர், மக்கள் தலைவர் பெருந்தலைவர் காமராசர், அடிமைத்தனத்தை எதிர்த்த வீர பெண் களப்போராளிகள் வேலுநாட்சியார், அஞ்சலை அம்மாள் ஆகியோரின் படங்களை வைத்து தமிழ் மக்களின் பொது மனநிலையையும், உறுதியான லட்சிய அரசியலையும் வெளிச்சம் போட்டுக் காட்டியிருக்கிறார்.

தொடர்ந்து, தனது அரசியல் பயணத்தை இதன் வழி அமைத்துக் கொள்வதன் மூலம் கொள்கை ரீதியான அரசியல் களத்தில் முக்கிய பங்காற்றிடவும், அவரது இந்த மாநாடு வெற்றி பெற வேண்டும் எனவும் சகோதரர் விஜய் அவர்களை வாழ்த்தி வரவேற்கிறேன். இவ்வாறு அதில் கூறப்பட்டுள்ளது.

*தவெக தொண்டர்களுக்கு போலீசார் அறிவுறுத்தல்

*பாஸ் வைத்திருப்பவர்கள் மட்டுமே மாநாட்டு திடலுக்குள் செல்லுமாறு போலீசார் அறிவுறுத்தல்

*மாநாட்டு மேடைக்கு வரத் தொடங்கிய தவெக நிர்வாகிகள்

*தடுப்புகளை தாண்டி மாநாட்டு திடலுக்குள் ஏறி குதிக்கும் தொண்டர்கள் - பரபரப்பு

*லட்சக்கணக்கான தொண்டர்கள் குவிந்ததால், ஸ்தம்பித்த வி.சாலை

விஜய்யின் தமிழக வெற்றிக்கழகத்தின் முதல் மாநாடு தொடங்கியுள்ளது. மாநாட்டில் விஜய்யின் தந்தை எஸ்.ஏ சந்திரசேகர், தாயார் ஷோபா  ஆகியோரும் பங்கேற்றுள்ளனர். 

தமிழக வெற்றிக்கழக தலைவர் விஜய்க்கு உதயநிதி வாழ்த்து தெரிவித்துள்ளார். நீண்ட கால நண்பர் விஜயின் புதிய முயற்சிக்கு வாழ்த்துகள் என்று உதயநிதி கூறியுள்ளார்.

தவெக மாநாட்டு திடலில் 90 சதவீதம் இருக்கைகள் நிரம்பின

தவெக மாநாட்டு திடலில் 90 சதவீதம் இருக்கைகள் நிரம்பின. தொண்டர்கள் குவிந்ததை அடுத்து மாநாட்டு நிகழ்ச்சியை முன்கூட்டியே தொடங்க முடிவெடுத்துள்ளதாக தகவல் வெளியாகி உள்ளது. விக்கிரவாண்டி பகுதியில் வெயில் சுட்டெரிக்கும் நிலையில், தொண்டர்கள் தலையில் நாற்காலிகளை கவிழ்த்தபடி காத்திருக்கின்றனர்.