கூட்டணி கட்சிகளுக்கு ஆட்சி, அதிகாரத்தில் பங்கு: தவெக தலைவர் விஜய்

வெறுப்பு அரசியலை கையில் எடுக்கப்போவதில்லை - விஜய்

பெரியாரின் கொள்கைகளான பகுத்தறிவு, சமூக நீதி கொள்கைகளை முன்னெடுப்போம்- விஜய் பேச்சு

பெரியாரை கொள்கைத் தலைவராக ஏற்றுக்கொள்கிறோம். ஆனால், அவரது கொள்கையான கடவுள் மறுப்பு கொள்கையில் உடன்பாடில்லை : விஜய்

பாம்பாக இருந்தாலும் அரசியலாக இருந்தாலும் பயப்பட மாட்டோம் என்றும் அரசியலை கண்டு பயமில்லை என்று விஜய் பேசி வருகிறார். கவனமாகத்தான் களமாட வேண்டும் என்றும் விஜய் பேசினார். 

 தவெக மாநாட்டில் கட்சியின் தலைவர் விஜய்க்கு வீர வாள் வழங்கினார் பொதுச்செயலாளர் புஸ்ஸி ஆனந்த்!

தமிழக வெற்றிக்கழகம் கட்சியின் செயல் திட்டங்கள் அறிவிக்கப்பட்டன. அதன் விவரம்

*கவர்னர் பதவியை அகற்ற வேண்டும்

*ஆராய்ச்சி கல்வி வரை தமிழ் மொழி மொழி வழியிலேயே கல்வி கற்க உறுதி

*சாதி வாரி கணக்கெடுப்பு

*மதுரையில் தலைமை செயலக கிளை

*அனைவருக்கும் விகிதாச்சாரப்படி இடப்பங்கீடு 

த.வெ.க. முதல் மாநில மாநாட்டின் உறுதிமொழிகள்

“நமது நாட்டின் விடுதலைக்காகவும், மக்களின் உரிமைகளுக்காகவும் தமிழ் மண்ணில் இருந்து, வீரத்துடன் போராடி, உயிர் நீத்த எண்ணெற்ற வீரர்களின் தியாகத்தை எப்போதும் போற்றுவேன்;

நமது அன்னைத் தமிழ் மொழியை காக்க உயிர் தியாகம் செய்த, மொழிப்போர் தியாகிகளின் இலக்கை நிறைவேற்றும் வகையில், தொடர்ந்து பாடுபடுவேன்;

இந்திய அரசியலமைப்பு சட்டத்தின் மீதும், இறையாண்மை மீதும் நம்பிக்கை வைத்து, அனைவருடன் ஒற்றுமை, சகோதரத்துவம், மதநல்லிணக்கம், சமத்துவம் ஆகியவற்றை பேணிக்காக்கும் பொறுப்புள்ள தனி மனிதனாக செயல்படுவேன்;

மக்களாட்சி, மதச்சார்பின்மை, சமூக நீதிப்பாதையில் பயணித்து என்றும் மக்கள் நல சேவகராக கடமையாற்றுவேன் என உறுதியளிக்கிறேன்;

சாதி, மதம், பாலினம், பிறந்த இடம் ஆகியவற்றின் பெயரில் உள்ள வேற்றுமைகளை களைந்து மக்களிடைய விழிப்புணர்வை ஏற்படுத்தி அனைவருக்கும் சமவாய்ப்பு, சம உரிமை கிடைக்கப் பாடுபடுவேன்;

‘பிறப்பொக்கும் எல்லா உயிர்க்கும்’ என்ற சமத்துவ கொள்கையை கடைப்பிடிப்பேன் என்று உளமாற உறுதி கூறுகிறேன்”

தமிழக வெற்றிக்கழகத்தின் கொள்கை விளக்க பாடல் வெளியிடப்பட்டுள்ளது. அதில் பெரியார், காமராஜர், அம்பேத்கர், வேலுநாச்சியார், அஞ்சலை அம்மாள் தலைவர்களாக அறிவிக்கப்பட்டுள்ளனர். அனைவருக்கும் சம வாய்ப்பு, சம உரிமை கிடைக்க பாடுபடுவேன் என விஜய் கொள்கை பாடலில் பேசியுள்ளார்.

மாநாட்டுத் திடலில் தவெக கொடியை ஏற்றினார் விஜய்

தவெக மாநாட்டில் 100 அடி உயர கொடிக்கம்பத்தில் கட்சிக் கொடியை விஜய் ஏற்றினார். மாநாட்டு மேடையில் இருந்து ரேம்பில் நடந்து வந்து கட்சிக்கொடியை ரிமோட் மூலம் விஜய் ஏற்றி வைத்தார்.

தூக்கி வீசப்பட்ட கொடிகள் கழுத்தில் அணிந்து கொண்ட விஜய்